Ayoyin Littafi Mai Tsarki game da Prayer

Ka farka, ka kuma tashi ka kāre ni! Ka yi mini faɗa, ya Allahna da shugabana.

Bari dukan waɗanda suke farin ciki a kaina a wahalata su sha kunya su kuma ruɗe; bari dukan waɗanda suke ɗaukar kansu sun fi ni su sha kunya da wulaƙanci.

Ka ji daɗinka a cikin Ubangiji zai kuwa biya bukatun zuciyarka.

Ka sa kanka a hanyar Ubangiji; ka kuma dogara gare shi zai kuwa yi wannan.

Laifofina sun mamaye ni kamar nauyin da ya sha ƙarfin ɗauka.

Miyakuna sun ruɓe suna kuma wari saboda wawancina na zunubi.

An tanƙware ni aka kuma ƙasƙantar da ni; dukan yini ina ta kuka.

Bayana yana fama da zazzaɓi; babu lafiya a jikina.

Na gaji sharkaf an kuma ragargaza ni; ina nishi da wahala a cikin zuciyata.

Zuciyata na bugu, ƙarfina kuma ya ƙare, har ma haske ya rabu da idanuna.

Na dogara gare ka, ya Ubangiji; za ka amsa, ya Ubangiji Allahna.

Gama na ce, “Kada ka bar su su yi farin ciki a kaina ko su yi kirari a kaina sa’ad da ƙafata ta yi santsi.”

Na furta laifina; na damu da zunubina.

Don mai bi da kaɗe-kaɗe. Ta Dawuda. Zabura ce. Na jira da haƙuri ga Ubangiji; ya juya wurina ya kuma ji kukata.

Gama damuwoyin da suka wuce misali sun kewaye ni; zunubaina sun mamaye ni, kuma ba na iya gani. Sun fi gashin kaina yawa, har ma na fid da zuciya.

Bari masu neman raina su sha kunya su kuma rikice; bari dukan waɗanda suke neman lalacewata su koma baya da kunya.

Bari masu ce mini, “Allah yă ƙara!” Su sha mamaki saboda kunyar da za su sha.

Waɗannan abubuwa ne nakan tuna sa’ad da nake faɗin abin da yake a raina, yadda dā nakan tafi tare da taron jama’a, ina bishe su a jere zuwa gidan Allah, da sowa ta farin ciki da kuma godiya a cikin taron biki.

“Ku miƙa hadayar godiya ga Allah, ku cika alkawuranku ga Mafi Ɗaukaka,

ku kira gare ni a ranar wahala; zan cece ku, za ku kuwa girmama ni.”

Don mai bi da kaɗe-kaɗe. Zabura ta Dawuda. Sa’ad da annabi Natan ya zo wurinsa bayan Dawuda ya yi zina da Batsheba. Ka yi mini jinƙai, ya Allah, bisa ga ƙaunarka marar ƙarewa; bisa ga tausayinka mai girma ka shafe laifofina.

Gama ina sane da laifofina zunubaina kuma kullum suna a gabana.

Kai kaɗai na yi wa zunubi na yi abin da yake mugu a idonka, ta haka an tabbatar kai mai gaskiya sa’ad da ka yi magana aka kuma nuna kai mai adalci ne sa’ad da ka hukunta.

Bari mugunta ta shaƙe masu magana marar kyau a kaina; cikin amincinka ka hallaka su.

Don mai bi da kaɗe-kaɗe. Da kayan kiɗi masu tsirkiya. Wani maskil ta Dawuda. Ka ji addu’ata, ya Allah, kada ka ƙyale roƙona;