פסוקים על Prayer

העירה והקיצה למשפטי אלהי ואדני לריבי׃

יבשו ויחפרו יחדו שמחי רעתי ילבשו בשת וכלמה המגדילים עלי׃

והתענג על יהוה ויתן לך משאלת לבך׃

גול על יהוה דרכך ובטח עליו והוא יעשה׃

כי עונתי עברו ראשי כמשא כבד יכבדו ממני׃

הבאישו נמקו חבורתי מפני אולתי׃

נעויתי שחתי עד מאד כל היום קדר הלכתי׃

כי כסלי מלאו נקלה ואין מתם בבשרי׃

נפוגותי ונדכיתי עד מאד שאגתי מנהמת לבי׃

לבי סחרחר עזבני כחי ואור עיני גם הם אין אתי׃

כי לך יהוה הוחלתי אתה תענה אדני אלהי׃

כי אמרתי פן ישמחו לי במוט רגלי עלי הגדילו׃

כי עוני אגיד אדאג מחטאתי׃

¶ למנצח לדוד מזמור קוה קויתי יהוה ויט אלי וישמע שועתי׃

כי אפפו עלי רעות עד אין מספר השיגוני עונתי ולא יכלתי לראות עצמו משערות ראשי ולבי עזבני׃

יבשו ויחפרו יחד מבקשי נפשי לספותה יסגו אחור ויכלמו חפצי רעתי׃

ישמו על עקב בשתם האמרים לי האח האח׃

אלה אזכרה ואשפכה עלי נפשי כי אעבר בסך אדדם עד בית אלהים בקול רנה ותודה המון חוגג׃

זבח לאלהים תודה ושלם לעליון נדריך׃

וקראני ביום צרה אחלצך ותכבדני׃

¶ למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃

כי פשעי אני אדע וחטאתי נגדי תמיד׃

לך לבדך חטאתי והרע בעיניך עשיתי למען תצדק בדברך תזכה בשפטך׃

ישוב הרע לשררי באמתך הצמיתם׃

¶ למנצח בנגינת משכיל לדוד האזינה אלהים תפלתי ואל תתעלם מתחנתי׃