פסוקים על Prayer

ענני יהוה כי טוב חסדך כרב רחמיך פנה אלי׃

תחשכנה עיניהם מראות ומתניהם תמיד המעד׃

שפך עליהם זעמך וחרון אפך ישיגם׃

תנה עון על עונם ואל יבאו בצדקתך׃

ימחו מספר חיים ועם צדיקים אל יכתבו׃

כי שמע אל אביונים יהוה ואת אסיריו לא בזה׃

יבשו ויחפרו מבקשי נפשי יסגו אחור ויכלמו חפצי רעתי׃

ישובו על עקב בשתם האמרים האח האח׃

ואני עני ואביון אלהים חושה לי עזרי ומפלטי אתה יהוה אל תאחר׃

יבשו יכלו שטני נפשי יעטו חרפה וכלמה מבקשי רעתי׃

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃

ואני קרבת אלהים לי טוב שתי באדני יהוה מחסי לספר כל מלאכותיך׃

עד מתי אלהים יחרף צר ינאץ אויב שמך לנצח׃

למה תשיב ידך וימינך מקרב חוקך כלה׃

זכר זאת אויב חרף יהוה ועם נבל נאצו שמך׃

הבט לברית כי מלאו מחשכי ארץ נאות חמס׃

אל ישב דך נכלם עני ואביון יהללו שמך׃

קומה אלהים ריבה ריבך זכר חרפתך מני נבל כל היום׃

אל תשכח קול צרריך שאון קמיך עלה תמיד׃

¶ למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

למה יאמרו הגוים איה אלהיהם יודע בגיים לעינינו נקמת דם עבדיך השפוך׃

תבוא לפניך אנקת אסיר כגדל זרועך הותר בני תמותה׃

והשב לשכנינו שבעתים אל חיקם חרפתם אשר חרפוך אדני׃

יהוה אלהים צבאות עד מתי עשנת בתפלת עמך׃