פסוקים על Prayer: Answered

להביא עליו צעקת דל וצעקת עניים ישמע׃

קולי אל יהוה אקרא ויענני מהר קדשו סלה׃

¶ למנצח בנגינות מזמור לדוד בקראי ענני אלהי צדקי בצר הרחבת לי חנני ושמע תפלתי׃

סורו ממני כל פעלי און כי שמע יהוה קול בכיי׃

שמע יהוה תחנתי יהוה תפלתי יקח׃

בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו׃

תאות לבו נתתה לו וארשת שפתיו בל מנעת סלה׃

חיים שאל ממך נתתה לו ארך ימים עולם ועד׃

בך בטחו אבתינו בטחו ותפלטמו׃

אליך זעקו ונמלטו בך בטחו ולא בושו׃

כי לא בזה ולא שקץ ענות עני ולא הסתיר פניו ממנו ובשועו אליו שמע׃

ברוך יהוה כי שמע קול תחנוני׃

יהוה אלהי שועתי אליך ותרפאני׃

יהוה העלית מן שאול נפשי חייתני מיורדי בור׃

ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃

דרשתי את יהוה וענני ומכל מגורותי הצילני׃

הביטו אליו ונהרו ופניהם אל יחפרו׃

זה עני קרא ויהוה שמע ומכל צרותיו הושיעו׃

¶ למנצח לדוד מזמור קוה קויתי יהוה ויט אלי וישמע שועתי׃

אכן שמע אלהים הקשיב בקול תפלתי׃

ברוך אלהים אשר לא הסיר תפלתי וחסדו מאתי׃

¶ למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

בצרה קראת ואחלצך אענך בסתר רעם אבחנך על מי מריבה סלה׃

משה ואהרן בכהניו ושמואל בקראי שמו קראים אל יהוה והוא יענם׃