Holy Spirit

251 פסוקים

ידוע גם בשם: Spirit

פסוקים המזכירים את Holy Spirit

סינון לפי ספר
  1. בְּרֵאשִׁית א׳:ב׳

    והארץ היתה תהו ובהו וחשך על פני תהום ורוח אלהים מרחפת על פני המים׃

  2. בְּרֵאשִׁית מ״א:ל״ח

    ויאמר פרעה אל עבדיו הנמצא כזה איש אשר רוח אלהים בו׃

  3. שֹׁפְטִים ג׳:י׳

    ותהי עליו רוח יהוה וישפט את ישראל ויצא למלחמה ויתן יהוה בידו את כושן רשעתים מלך ארם ותעז ידו על כושן רשעתים׃

  4. שֹׁפְטִים ו׳:ל״ד

    ורוח יהוה לבשה את גדעון ויתקע בשופר ויזעק אביעזר אחריו׃

  5. שֹׁפְטִים י״א:כ״ט

    ותהי על יפתח רוח יהוה ויעבר את הגלעד ואת מנשה ויעבר את מצפה גלעד וממצפה גלעד עבר בני עמון׃

  6. שֹׁפְטִים י״ג:כ״ה

    ותחל רוח יהוה לפעמו במחנה דן בין צרעה ובין אשתאל׃

  7. שֹׁפְטִים י״ד:ו׳

    ותצלח עליו רוח יהוה וישסעהו כשסע הגדי ומאומה אין בידו ולא הגיד לאביו ולאמו את אשר עשה׃

  8. שֹׁפְטִים י״ד:י״ט

    ותצלח עליו רוח יהוה וירד אשקלון ויך מהם שלשים איש ויקח את חליצותם ויתן החליפות למגידי החידה ויחר אפו ויעל בית אביהו׃

  9. שֹׁפְטִים ט״ו:י״ד

    הוא בא עד לחי ופלשתים הריעו לקראתו ותצלח עליו רוח יהוה ותהיינה העבתים אשר על זרועותיו כפשתים אשר בערו באש וימסו אסוריו מעל ידיו׃

  10. 1 שְׁמוּאֵל י׳:ו׳

    וצלחה עליך רוח יהוה והתנבית עמם ונהפכת לאיש אחר׃

  11. 1 שְׁמוּאֵל י׳:י׳

    ויבאו שם הגבעתה והנה חבל נבאים לקראתו ותצלח עליו רוח אלהים ויתנבא בתוכם׃

  12. 1 שְׁמוּאֵל י״א:ו׳

    ותצלח רוח אלהים על שאול בשמעו את הדברים האלה ויחר אפו מאד׃

  13. 1 שְׁמוּאֵל ט״ז:י״ג

    ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה׃

  14. 1 שְׁמוּאֵל ט״ז:י״ד

    ורוח יהוה סרה מעם שאול ובעתתו רוח רעה מאת יהוה׃

  15. 1 שְׁמוּאֵל י״ט:כ׳

    וישלח שאול מלאכים לקחת את דוד וירא את להקת הנביאים נבאים ושמואל עמד נצב עליהם ותהי על מלאכי שאול רוח אלהים ויתנבאו גם המה׃

  16. 1 שְׁמוּאֵל י״ט:כ״ג

    וילך שם אל נוית ברמה ותהי עליו גם הוא רוח אלהים וילך הלוך ויתנבא עד באו בנוית ברמה׃

  17. 2 שְׁמוּאֵל כ״ג:ב׳

    רוח יהוה דבר בי ומלתו על לשוני׃

  18. 1 מְלָכִים י״ח:י״ב

    והיה אני אלך מאתך ורוח יהוה ישאך על אשר לא אדע ובאתי להגיד לאחאב ולא ימצאך והרגני ועבדך ירא את יהוה מנערי׃

  19. 1 מְלָכִים כ״ב:כ״ד

    ויגש צדקיהו בן כנענה ויכה את מיכיהו על הלחי ויאמר אי זה עבר רוח יהוה מאתי לדבר אותך׃

  20. 2 מְלָכִים ב׳:ט״ז

    ויאמרו אליו הנה נא יש את עבדיך חמשים אנשים בני חיל ילכו נא ויבקשו את אדניך פן נשאו רוח יהוה וישלכהו באחד ההרים או באחת הגיאות ויאמר לא תשלחו׃

  21. 2 דִּבְרֵי הַיָּמִים ט״ו:א׳

    ¶ ועזריהו בן עודד היתה עליו רוח אלהים׃

  22. 2 דִּבְרֵי הַיָּמִים י״ח:כ״ג

    ויגש צדקיהו בן כנענה ויך את מיכיהו על הלחי ויאמר אי זה הדרך עבר רוח יהוה מאתי לדבר אתך׃

  23. 2 דִּבְרֵי הַיָּמִים כ׳:י״ד

    ויחזיאל בן זכריהו בן בניה בן יעיאל בן מתניה הלוי מן בני אסף היתה עליו רוח יהוה בתוך הקהל׃

  24. 2 דִּבְרֵי הַיָּמִים כ״ד:כ׳

    ורוח אלהים לבשה את זכריה בן יהוידע הכהן ויעמד מעל לעם ויאמר להם כה אמר האלהים למה אתם עברים את מצות יהוה ולא תצליחו כי עזבתם את יהוה ויעזב אתכם׃

  25. אִיּוֹב ל״ג:ד׳

    רוח אל עשתני ונשמת שדי תחיני׃