פסוקים על The Christ Jesus

ויאמר לא כי אני שר צבא יהוה עתה באתי ויפל יהושע אל פניו ארצה וישתחו ויאמר לו מה אדני מדבר אל עבדו׃

ויאמר שר צבא יהוה אל יהושע של נעלך מעל רגלך כי המקום אשר אתה עמד עליו קדש הוא ויעש יהושע כן׃

אמר אלהי ישראל לי דבר צור ישראל מושל באדם צדיק מושל יראת אלהים׃

וכאור בקר יזרח שמש בקר לא עבות מנגה ממטר דשא מארץ׃

¶ למה רגשו גוים ולאמים יהגו ריק׃

יתיצבו מלכי ארץ ורוזנים נוסדו יחד על יהוה ועל משיחו׃

ננתקה את מוסרותימו ונשליכה ממנו עבתימו׃

שאל ממני ואתנה גוים נחלתך ואחזתך אפסי ארץ׃

תרעם בשבט ברזל ככלי יוצר תנפצם׃

שאו שערים ראשיכם והנשאו פתחי עולם ויבוא מלך הכבוד׃

מי זה מלך הכבוד יהוה עזוז וגבור יהוה גבור מלחמה׃

שאו שערים ראשיכם ושאו פתחי עולם ויבא מלך הכבוד׃

מי הוא זה מלך הכבוד יהוה צבאות הוא מלך הכבוד סלה׃

לי עצה ותושיה אני בינה לי גבורה׃

בי מלכים ימלכו ורוזנים יחקקו צדק׃

בי שרים ישרו ונדיבים כל שפטי צדק׃

ויאמר לך ואמרת לעם הזה שמעו שמוע ואל תבינו וראו ראו ואל תדעו׃

השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב ורפא לו׃

ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃

והריחו ביראת יהוה ולא למראה עיניו ישפוט ולא למשמע אזניו יוכיח׃

ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

והיה צדק אזור מתניו והאמונה אזור חלציו׃

אני יהוה קראתיך בצדק ואחזק בידך ואצרך ואתנך לברית עם לאור גוים׃

לפקח עינים עורות להוציא ממסגר אסיר מבית כלא ישבי חשך׃

¶ כה אמר יהוה אי זה ספר כריתות אמכם אשר שלחתיה או מי מנושי אשר מכרתי אתכם לו הן בעונתיכם נמכרתם ובפשעיכם שלחה אמכם׃