פסוקים על The Christ Jesus: Omniscience of Jesus

לי עצה ותושיה אני בינה לי גבורה׃

בי מלכים ימלכו ורוזנים יחקקו צדק׃

בי שרים ישרו ונדיבים כל שפטי צדק׃

ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃

והריחו ביראת יהוה ולא למראה עיניו ישפוט ולא למשמע אזניו יוכיח׃

וישלח שנים מתלמידיו ויאמר אליהם לכו העירה ויפגע אתכם איש נשא צפחת המים לכו אחריו׃

ובאשר יבוא שמה אמרו לבעל הבית כה אמר הרב איה המלון אשת אכלה שם את הפסח עם תלמידי׃

והוא יראה אתכם עליה גדולה מצעה ומוכנה ושם הכינו לנו׃

ויעל על לבבם לחשוב מי הוא הגדול בהם׃

וירא ישוע את מחשבת לבם ויקח ילד ויעמידהו אצלו׃

ויאמר אליהם כל אשר יקבל את הילד הזה לשמי אותי הוא מקבל וכל אשר יקבל אותי הוא מקבל את אשר שלחני כי הקטן בכלכם הוא יהיה הגדול׃

ויאמר אליהם הנה אתם באים העירה ופגע אתכם איש נשא צפחת מים לכו אחריו אל הבית אשר יבוא שמה׃

ואמרתם אל בעל הבית כה אמר לך הרב איה המלון אשר אכלה שם את הפסח עם תלמידי׃

והוא יראה אתכם עליה גדולה מצעה שם תכינו׃

וילכו וימצאו כאשר דבר אליהם ויכינו את הפסח׃

והוא ישוע לא הפקיד את עצמו בידם על אשר ידע את כלם׃

ולא הצטרך לעדות איש על האדם כי הוא ידע מה בקרב האדם׃

ויאמר אליה ישוע לכי וקראי לאישך ושובי הלום׃

ותען האשה ותאמר אין לי איש ויאמר אליה ישוע כן דברת אין לי איש׃

כי בעלים חמשה היו לך ואשר לך עתה איננו בעלך לכן אמת הדבר אשר דברת׃

ותאמר אליו האשה אדני ראה אנכי כי נביא אתה׃

ותעזב האשה את כדה ותלך העירה ותאמר אל האנשים׃

באו וראו איש אשר הגיד לי כל אשר עשיתי הכי זה הוא המשיח׃

ויאמר אליו ישוע המרחץ אין לו לרחץ עוד כי אם את הרגלים כי כלו טהור הוא ואתם טהורים אך לא כלכם׃

כי ידע מי ימסרהו על כן אמר לא כלכם טהורים׃