TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 1406–1380 BC
Conquest of Canaan
Joshua leads Israel across the Jordan into the promised land, defeating the Canaanite kingdoms one by one.
פסוקים מתקופה זו
- יְהוֹשֻעַ א׳:א׳בערך תנ״א לפנה״ס
¶ ויהי אחרי מות משה עבד יהוה ויאמר יהוה אל יהושע בן נון משרת משה לאמר׃
- יְהוֹשֻעַ א׳:ב׳בערך תנ״א לפנה״ס
משה עבדי מת ועתה קום עבר את הירדן הזה אתה וכל העם הזה אל הארץ אשר אנכי נתן להם לבני ישראל׃
- יְהוֹשֻעַ א׳:ג׳בערך תנ״א לפנה״ס
כל מקום אשר תדרך כף רגלכם בו לכם נתתיו כאשר דברתי אל משה׃
- יְהוֹשֻעַ א׳:ד׳בערך תנ״א לפנה״ס
מהמדבר והלבנון הזה ועד הנהר הגדול נהר פרת כל ארץ החתים ועד הים הגדול מבוא השמש יהיה גבולכם׃
- יְהוֹשֻעַ א׳:ה׳בערך תנ״א לפנה״ס
לא יתיצב איש לפניך כל ימי חייך כאשר הייתי עם משה אהיה עמך לא ארפך ולא אעזבך׃
- יְהוֹשֻעַ א׳:ו׳בערך תנ״א לפנה״ס
חזק ואמץ כי אתה תנחיל את העם הזה את הארץ אשר נשבעתי לאבותם לתת להם׃
- יְהוֹשֻעַ א׳:ז׳בערך תנ״א לפנה״ס
רק חזק ואמץ מאד לשמר לעשות ככל התורה אשר צוך משה עבדי אל תסור ממנו ימין ושמאול למען תשכיל בכל אשר תלך׃
- יְהוֹשֻעַ א׳:ח׳בערך תנ״א לפנה״ס
לא ימוש ספר התורה הזה מפיך והגית בו יומם ולילה למען תשמר לעשות ככל הכתוב בו כי אז תצליח את דרכך ואז תשכיל׃
- יְהוֹשֻעַ א׳:ט׳בערך תנ״א לפנה״ס
הלוא צויתיך חזק ואמץ אל תערץ ואל תחת כי עמך יהוה אלהיך בכל אשר תלך׃
- יְהוֹשֻעַ א׳:י׳בערך תנ״א לפנה״ס
ויצו יהושע את שטרי העם לאמר׃
- יְהוֹשֻעַ א׳:י״אבערך תנ״א לפנה״ס
עברו בקרב המחנה וצוו את העם לאמר הכינו לכם צידה כי בעוד שלשת ימים אתם עברים את הירדן הזה לבוא לרשת את הארץ אשר יהוה אלהיכם נתן לכם לרשתה׃
- יְהוֹשֻעַ א׳:י״בבערך תנ״א לפנה״ס
ולראובני ולגדי ולחצי שבט המנשה אמר יהושע לאמר׃
- יְהוֹשֻעַ א׳:י״גבערך תנ״א לפנה״ס
זכור את הדבר אשר צוה אתכם משה עבד יהוה לאמר יהוה אלהיכם מניח לכם ונתן לכם את הארץ הזאת׃
- יְהוֹשֻעַ א׳:י״דבערך תנ״א לפנה״ס
נשיכם טפכם ומקניכם ישבו בארץ אשר נתן לכם משה בעבר הירדן ואתם תעברו חמשים לפני אחיכם כל גבורי החיל ועזרתם אותם׃
- יְהוֹשֻעַ א׳:ט״ובערך תנ״א לפנה״ס
עד אשר יניח יהוה לאחיכם ככם וירשו גם המה את הארץ אשר יהוה אלהיכם נתן להם ושבתם לארץ ירשתכם וירשתם אותה אשר נתן לכם משה עבד יהוה בעבר הירדן מזרח השמש׃
- יְהוֹשֻעַ א׳:ט״זבערך תנ״א לפנה״ס
ויענו את יהושע לאמר כל אשר צויתנו נעשה ואל כל אשר תשלחנו נלך׃
- יְהוֹשֻעַ א׳:י״זבערך תנ״א לפנה״ס
ככל אשר שמענו אל משה כן נשמע אליך רק יהיה יהוה אלהיך עמך כאשר היה עם משה׃
- יְהוֹשֻעַ א׳:י״חבערך תנ״א לפנה״ס
כל איש אשר ימרה את פיך ולא ישמע את דבריך לכל אשר תצונו יומת רק חזק ואמץ׃
- יְהוֹשֻעַ ב׳:א׳בערך תנ״א לפנה״ס
¶ וישלח יהושע בן נון מן השטים שנים אנשים מרגלים חרש לאמר לכו ראו את הארץ ואת יריחו וילכו ויבאו בית אשה זונה ושמה רחב וישכבו שמה׃
- יְהוֹשֻעַ ב׳:ב׳בערך תנ״א לפנה״ס
ויאמר למלך יריחו לאמר הנה אנשים באו הנה הלילה מבני ישראל לחפר את הארץ׃
- יְהוֹשֻעַ ב׳:ג׳בערך תנ״א לפנה״ס
וישלח מלך יריחו אל רחב לאמר הוציאי האנשים הבאים אליך אשר באו לביתך כי לחפר את כל הארץ באו׃
- יְהוֹשֻעַ ב׳:ד׳בערך תנ״א לפנה״ס
ותקח האשה את שני האנשים ותצפנו ותאמר כן באו אלי האנשים ולא ידעתי מאין המה׃
- יְהוֹשֻעַ ב׳:ה׳בערך תנ״א לפנה״ס
ויהי השער לסגור בחשך והאנשים יצאו לא ידעתי אנה הלכו האנשים רדפו מהר אחריהם כי תשיגום׃
- יְהוֹשֻעַ ב׳:ו׳בערך תנ״א לפנה״ס
והיא העלתם הגגה ותטמנם בפשתי העץ הערכות לה על הגג׃
- יְהוֹשֻעַ ב׳:ז׳בערך תנ״א לפנה״ס
והאנשים רדפו אחריהם דרך הירדן על המעברות והשער סגרו אחרי כאשר יצאו הרדפים אחריהם׃