Moses

774 פסוקים · 7 בני משפחה

פסוקים המזכירים את Moses

סינון לפי ספר
  1. שְׁמֹות ב׳:י׳

    ויגדל הילד ותבאהו לבת פרעה ויהי לה לבן ותקרא שמו משה ותאמר כי מן המים משיתהו׃

  2. שְׁמֹות ב׳:י״א

    ויהי בימים ההם ויגדל משה ויצא אל אחיו וירא בסבלתם וירא איש מצרי מכה איש עברי מאחיו׃

  3. שְׁמֹות ב׳:י״ד

    ויאמר מי שמך לאיש שר ושפט עלינו הלהרגני אתה אמר כאשר הרגת את המצרי ויירא משה ויאמר אכן נודע הדבר׃

  4. שְׁמֹות ב׳:ט״ו

    וישמע פרעה את הדבר הזה ויבקש להרג את משה ויברח משה מפני פרעה וישב בארץ מדין וישב על הבאר׃

  5. שְׁמֹות ב׳:י״ז

    ויבאו הרעים ויגרשום ויקם משה ויושען וישק את צאנם׃

  6. שְׁמֹות ב׳:כ״א

    ויואל משה לשבת את האיש ויתן את צפרה בתו למשה׃

  7. שְׁמֹות ג׳:א׳

    ¶ ומשה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה׃

  8. שְׁמֹות ג׳:ג׳

    ויאמר משה אסרה נא ואראה את המראה הגדל הזה מדוע לא יבער הסנה׃

  9. שְׁמֹות ג׳:ד׳

    וירא יהוה כי סר לראות ויקרא אליו אלהים מתוך הסנה ויאמר משה משה ויאמר הנני׃

  10. שְׁמֹות ג׳:ו׳

    ויאמר אנכי אלהי אביך אלהי אברהם אלהי יצחק ואלהי יעקב ויסתר משה פניו כי ירא מהביט אל האלהים׃

  11. שְׁמֹות ג׳:י״א

    ויאמר משה אל האלהים מי אנכי כי אלך אל פרעה וכי אוציא את בני ישראל ממצרים׃

  12. שְׁמֹות ג׳:י״ג

    ויאמר משה אל האלהים הנה אנכי בא אל בני ישראל ואמרתי להם אלהי אבותיכם שלחני אליכם ואמרו לי מה שמו מה אמר אלהם׃

  13. שְׁמֹות ג׳:י״ד

    ויאמר אלהים אל משה אהיה אשר אהיה ויאמר כה תאמר לבני ישראל אהיה שלחני אליכם׃

  14. שְׁמֹות ג׳:ט״ו

    ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃

  15. שְׁמֹות ד׳:א׳

    ¶ ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוה׃

  16. שְׁמֹות ד׳:ג׳

    ויאמר השליכהו ארצה וישליכהו ארצה ויהי לנחש וינס משה מפניו׃

  17. שְׁמֹות ד׳:ד׳

    ויאמר יהוה אל משה שלח ידך ואחז בזנבו וישלח ידו ויחזק בו ויהי למטה בכפו׃

  18. שְׁמֹות ד׳:י׳

    ויאמר משה אל יהוה בי אדני לא איש דברים אנכי גם מתמול גם משלשם גם מאז דברך אל עבדך כי כבד פה וכבד לשון אנכי׃

  19. שְׁמֹות ד׳:י״ד

    ויחר אף יהוה במשה ויאמר הלא אהרן אחיך הלוי ידעתי כי דבר ידבר הוא וגם הנה הוא יצא לקראתך וראך ושמח בלבו׃

  20. שְׁמֹות ד׳:י״ח

    וילך משה וישב אל יתר חתנו ויאמר לו אלכה נא ואשובה אל אחי אשר במצרים ואראה העודם חיים ויאמר יתרו למשה לך לשלום׃

  21. שְׁמֹות ד׳:י״ט

    ויאמר יהוה אל משה במדין לך שב מצרים כי מתו כל האנשים המבקשים את נפשך׃

  22. שְׁמֹות ד׳:כ׳

    ויקח משה את אשתו ואת בניו וירכבם על החמר וישב ארצה מצרים ויקח משה את מטה האלהים בידו׃

  23. שְׁמֹות ד׳:כ״א

    ויאמר יהוה אל משה בלכתך לשוב מצרימה ראה כל המפתים אשר שמתי בידך ועשיתם לפני פרעה ואני אחזק את לבו ולא ישלח את העם׃

  24. שְׁמֹות ד׳:כ״ז

    ויאמר יהוה אל אהרן לך לקראת משה המדברה וילך ויפגשהו בהר האלהים וישק לו׃

  25. שְׁמֹות ד׳:כ״ח

    ויגד משה לאהרן את כל דברי יהוה אשר שלחו ואת כל האתת אשר צוהו׃