Sinai

20 verses · 2 known names

ידוע גם בשם: Sina

28.5300, 33.9700 הצג במפות גוגל

פסוקים המזכירים את Sinai

שְׁמֹות י״ט:י״א
והיו נכנים ליום השלישי כי ביום השלישי ירד יהוה לעיני כל העם על הר סיני׃
שְׁמֹות י״ט:י״ח
והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד׃
שְׁמֹות י״ט:כ׳
וירד יהוה על הר סיני אל ראש ההר ויקרא יהוה למשה אל ראש ההר ויעל משה׃
שְׁמֹות י״ט:כ״ג
ויאמר משה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשתו׃
שְׁמֹות כ״ד:ט״ז
וישכן כבוד יהוה על הר סיני ויכסהו הענן ששת ימים ויקרא אל משה ביום השביעי מתוך הענן׃
שְׁמֹות ל״א:י״ח
ויתן אל משה ככלתו לדבר אתו בהר סיני שני לחת העדת לחת אבן כתבים באצבע אלהים׃
שְׁמֹות ל״ד:ב׳
והיה נכון לבקר ועלית בבקר אל הר סיני ונצבת לי שם על ראש ההר׃
שְׁמֹות ל״ד:ד׳
ויפסל שני לחת אבנים כראשנים וישכם משה בבקר ויעל אל הר סיני כאשר צוה יהוה אתו ויקח בידו שני לחת אבנים׃
שְׁמֹות ל״ד:כ״ט
ויהי ברדת משה מהר סיני ושני לחת העדת ביד משה ברדתו מן ההר ומשה לא ידע כי קרן עור פניו בדברו אתו׃
שְׁמֹות ל״ד:ל״ב
ואחרי כן נגשו כל בני ישראל ויצום את כל אשר דבר יהוה אתו בהר סיני׃
וַיִּקְרָא כ״ה:א׳
¶ וידבר יהוה אל משה בהר סיני לאמר׃
וַיִּקְרָא כ״ו:מ״ו
אלה החקים והמשפטים והתורת אשר נתן יהוה בינו ובין בני ישראל בהר סיני ביד משה׃
וַיִּקְרָא כ״ז:ל״ד
אלה המצות אשר צוה יהוה את משה אל בני ישראל בהר סיני׃
בְּמִדְבַּר ג׳:א׳
¶ ואלה תולדת אהרן ומשה ביום דבר יהוה את משה בהר סיני׃
בְּמִדְבַּר כ״ח:ו׳
עלת תמיד העשיה בהר סיני לריח ניחח אשה ליהוה׃
נחמיה ט׳:י״ג
ועל הר סיני ירדת ודבר עמהם משמים ותתן להם משפטים ישרים ותורות אמת חקים ומצות טובים׃
מַעֲשֵׂי הַשְּׁלִיחִים ז׳:ל׳
ובמלאת ארבעים שנה נראה אליו מלאך יהוה במדבר הר סיני בלבת אש מתוך הסנה׃
מַעֲשֵׂי הַשְּׁלִיחִים ז׳:ל״ח
הוא אשר היה בקהל במדבר עם המלאך הדבר אליו בהר סיני ועם אבותינו ואשר קבל דברים חיים לתת לנו׃
אִגֶּרֶת פּוֹלוֹס הַשָּׁלִיחַ אֶל־הַגָּלָטִיִּים ד׳:כ״ד
והדברים הם לרמז כי שתי הבריתות הנה האחת מן הר סיני היולדת לעבדות והיא הגר׃
אִגֶּרֶת פּוֹלוֹס הַשָּׁלִיחַ אֶל־הַגָּלָטִיִּים ד׳:כ״ה
כי הגר סיני הר בערב הוא והוא כנגד ירושלים של עתה כי היא בעבדות עם בניה׃