פסוקים על Countenance

11 פסוקים · 9 היבטים

פסוקי מפתח

  1. שְׁמֹות ל״ד:כ״ט

    ויהי ברדת משה מהר סיני ושני לחת העדת ביד משה ברדתו מן ההר ומשה לא ידע כי קרן עור פניו בדברו אתו׃

  2. שְׁמֹות ל״ד:ל׳

    וירא אהרן וכל בני ישראל את משה והנה קרן עור פניו וייראו מגשת אליו׃

  3. שְׁמֹות ל״ד:ל״א

    ויקרא אלהם משה וישבו אליו אהרן וכל הנשאים בעדה וידבר משה אלהם׃

  4. שְׁמֹות ל״ד:ל״ב

    ואחרי כן נגשו כל בני ישראל ויצום את כל אשר דבר יהוה אתו בהר סיני׃

  5. שְׁמֹות ל״ד:ל״ג

    ויכל משה מדבר אתם ויתן על פניו מסוה׃

  6. שְׁמֹות ל״ד:ל״ד

    ובבא משה לפני יהוה לדבר אתו יסיר את המסוה עד צאתו ויצא ודבר אל בני ישראל את אשר יצוה׃

  7. שְׁמֹות ל״ד:ל״ה

    וראו בני ישראל את פני משה כי קרן עור פני משה והשיב משה את המסוה על פניו עד באו לדבר אתו׃

  8. נחמיה ב׳:ב׳

    ויאמר לי המלך מדוע פניך רעים ואתה אינך חולה אין זה כי אם רע לב ואירא הרבה מאד׃

  9. נחמיה ב׳:ג׳

    ואמר למלך המלך לעולם יחיה מדוע לא ירעו פני אשר העיר בית קברות אבתי חרבה ושעריה אכלו באש׃

  10. דָּנִיֵּאל א׳:ה׳

    וימן להם המלך דבר יום ביומו מפת בג המלך ומיין משתיו ולגדלם שנים שלוש ומקצתם יעמדו לפני המלך׃

  11. דָּנִיֵּאל א׳:ו׳

    ויהי בהם מבני יהודה דניאל חנניה מישאל ועזריה׃