TRV
circa 1446 BC
Sinai & The Law
God meets Israel at Mount Sinai, reveals the Ten Commandments, and establishes the Tabernacle and the priestly covenant.
פסוקים מתקופה זו
- שְׁמֹות ט״ז:א׳בערך 1491 לפנה״ס
¶ ויסעו מאילם ויבאו כל עדת בני ישראל אל מדבר סין אשר בין אילם ובין סיני בחמשה עשר יום לחדש השני לצאתם מארץ מצרים׃
- שְׁמֹות ט״ז:ב׳בערך 1491 לפנה״ס
וילינו כל עדת בני ישראל על משה ועל אהרן במדבר׃
- שְׁמֹות ט״ז:ג׳בערך 1491 לפנה״ס
ויאמרו אלהם בני ישראל מי יתן מותנו ביד יהוה בארץ מצרים בשבתנו על סיר הבשר באכלנו לחם לשבע כי הוצאתם אתנו אל המדבר הזה להמית את כל הקהל הזה ברעב׃
- שְׁמֹות ט״ז:ד׳בערך 1491 לפנה״ס
ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילך בתורתי אם לא׃
- שְׁמֹות ט״ז:ה׳בערך 1491 לפנה״ס
והיה ביום הששי והכינו את אשר יביאו והיה משנה על אשר ילקטו יום יום׃
- שְׁמֹות ט״ז:ו׳בערך 1491 לפנה״ס
ויאמר משה ואהרן אל כל בני ישראל ערב וידעתם כי יהוה הוציא אתכם מארץ מצרים׃
- שְׁמֹות ט״ז:ז׳בערך 1491 לפנה״ס
ובקר וראיתם את כבוד יהוה בשמעו את תלנתיכם על יהוה ונחנו מה כי תלונו עלינו׃
- שְׁמֹות ט״ז:ח׳בערך 1491 לפנה״ס
ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלינם עליו ונחנו מה לא עלינו תלנתיכם כי על יהוה׃
- שְׁמֹות ט״ז:ט׳בערך 1491 לפנה״ס
ויאמר משה אל אהרן אמר אל כל עדת בני ישראל קרבו לפני יהוה כי שמע את תלנתיכם׃
- שְׁמֹות ט״ז:י׳בערך 1491 לפנה״ס
ויהי כדבר אהרן אל כל עדת בני ישראל ויפנו אל המדבר והנה כבוד יהוה נראה בענן׃
- שְׁמֹות ט״ז:י״אבערך 1491 לפנה״ס
וידבר יהוה אל משה לאמר׃
- שְׁמֹות ט״ז:י״בבערך 1491 לפנה״ס
שמעתי את תלונת בני ישראל דבר אלהם לאמר בין הערבים תאכלו בשר ובבקר תשבעו לחם וידעתם כי אני יהוה אלהיכם׃
- שְׁמֹות ט״ז:י״גבערך 1491 לפנה״ס
ויהי בערב ותעל השלו ותכס את המחנה ובבקר היתה שכבת הטל סביב למחנה׃
- שְׁמֹות ט״ז:י״דבערך 1491 לפנה״ס
ותעל שכבת הטל והנה על פני המדבר דק מחספס דק ככפר על הארץ׃
- שְׁמֹות ט״ז:ט״ובערך 1491 לפנה״ס
ויראו בני ישראל ויאמרו איש אל אחיו מן הוא כי לא ידעו מה הוא ויאמר משה אלהם הוא הלחם אשר נתן יהוה לכם לאכלה׃
- שְׁמֹות ט״ז:ט״זבערך 1491 לפנה״ס
זה הדבר אשר צוה יהוה לקטו ממנו איש לפי אכלו עמר לגלגלת מספר נפשתיכם איש לאשר באהלו תקחו׃
- שְׁמֹות ט״ז:י״זבערך 1491 לפנה״ס
ויעשו כן בני ישראל וילקטו המרבה והממעיט׃
- שְׁמֹות ט״ז:י״חבערך 1491 לפנה״ס
וימדו בעמר ולא העדיף המרבה והממעיט לא החסיר איש לפי אכלו לקטו׃
- שְׁמֹות ט״ז:י״טבערך 1491 לפנה״ס
ויאמר משה אלהם איש אל יותר ממנו עד בקר׃
- שְׁמֹות ט״ז:כ׳בערך 1491 לפנה״ס
ולא שמעו אל משה ויותרו אנשים ממנו עד בקר וירם תולעים ויבאש ויקצף עלהם משה׃
- שְׁמֹות ט״ז:כ״אבערך 1491 לפנה״ס
וילקטו אתו בבקר בבקר איש כפי אכלו וחם השמש ונמס׃
- שְׁמֹות ט״ז:כ״בבערך 1491 לפנה״ס
ויהי ביום הששי לקטו לחם משנה שני העמר לאחד ויבאו כל נשיאי העדה ויגידו למשה׃
- שְׁמֹות ט״ז:כ״גבערך 1491 לפנה״ס
ויאמר אלהם הוא אשר דבר יהוה שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר׃
- שְׁמֹות ט״ז:כ״דבערך 1491 לפנה״ס
ויניחו אתו עד הבקר כאשר צוה משה ולא הבאיש ורמה לא היתה בו׃
- שְׁמֹות ט״ז:כ״הבערך 1491 לפנה״ס
ויאמר משה אכלהו היום כי שבת היום ליהוה היום לא תמצאהו בשדה׃