circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. שְׁמֹות ט״ז:כ״ובערך תצ״א לפנה״ס

    ששת ימים תלקטהו וביום השביעי שבת לא יהיה בו׃

  2. שְׁמֹות ט״ז:כ״זבערך תצ״א לפנה״ס

    ויהי ביום השביעי יצאו מן העם ללקט ולא מצאו׃

  3. שְׁמֹות ט״ז:כ״חבערך תצ״א לפנה״ס

    ויאמר יהוה אל משה עד אנה מאנתם לשמר מצותי ותורתי׃

  4. שְׁמֹות ט״ז:כ״טבערך תצ״א לפנה״ס

    ראו כי יהוה נתן לכם השבת על כן הוא נתן לכם ביום הששי לחם יומים שבו איש תחתיו אל יצא איש ממקמו ביום השביעי׃

  5. שְׁמֹות ט״ז:ל׳בערך תצ״א לפנה״ס

    וישבתו העם ביום השבעי׃

  6. שְׁמֹות ט״ז:ל״אבערך תצ״א לפנה״ס

    ויקראו בית ישראל את שמו מן והוא כזרע גד לבן וטעמו כצפיחת בדבש׃

  7. שְׁמֹות ט״ז:ל״בבערך תצ״א לפנה״ס

    ויאמר משה זה הדבר אשר צוה יהוה מלא העמר ממנו למשמרת לדרתיכם למען יראו את הלחם אשר האכלתי אתכם במדבר בהוציאי אתכם מארץ מצרים׃

  8. שְׁמֹות ט״ז:ל״גבערך תצ״א לפנה״ס

    ויאמר משה אל אהרן קח צנצנת אחת ותן שמה מלא העמר מן והנח אתו לפני יהוה למשמרת לדרתיכם׃

  9. שְׁמֹות ט״ז:ל״דבערך תצ״א לפנה״ס

    כאשר צוה יהוה אל משה ויניחהו אהרן לפני העדת למשמרת׃

  10. שְׁמֹות ט״ז:ל״הבערך תצ״א לפנה״ס

    ובני ישראל אכלו את המן ארבעים שנה עד באם אל ארץ נושבת את המן אכלו עד באם אל קצה ארץ כנען׃

  11. שְׁמֹות ט״ז:ל״ובערך תצ״א לפנה״ס

    והעמר עשרית האיפה הוא׃

  12. שְׁמֹות י״ז:א׳בערך תצ״א לפנה״ס

    ¶ ויסעו כל עדת בני ישראל ממדבר סין למסעיהם על פי יהוה ויחנו ברפידים ואין מים לשתת העם׃

  13. שְׁמֹות י״ז:ב׳בערך תצ״א לפנה״ס

    וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוה׃

  14. שְׁמֹות י״ז:ג׳בערך תצ״א לפנה״ס

    ויצמא שם העם למים וילן העם על משה ויאמר למה זה העליתנו ממצרים להמית אתי ואת בני ואת מקני בצמא׃

  15. שְׁמֹות י״ז:ד׳בערך תצ״א לפנה״ס

    ויצעק משה אל יהוה לאמר מה אעשה לעם הזה עוד מעט וסקלני׃

  16. שְׁמֹות י״ז:ה׳בערך תצ״א לפנה״ס

    ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר קח בידך והלכת׃

  17. שְׁמֹות י״ז:ו׳בערך תצ״א לפנה״ס

    הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראל׃

  18. שְׁמֹות י״ז:ז׳בערך תצ״א לפנה״ס

    ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם אין׃

  19. שְׁמֹות י״ז:ח׳בערך תצ״א לפנה״ס

    ויבא עמלק וילחם עם ישראל ברפידם׃

  20. שְׁמֹות י״ז:ט׳בערך תצ״א לפנה״ס

    ויאמר משה אל יהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידי׃

  21. שְׁמֹות י״ז:י׳בערך תצ״א לפנה״ס

    ויעש יהושע כאשר אמר לו משה להלחם בעמלק ומשה אהרן וחור עלו ראש הגבעה׃

  22. שְׁמֹות י״ז:י״אבערך תצ״א לפנה״ס

    והיה כאשר ירים משה ידו וגבר ישראל וכאשר יניח ידו וגבר עמלק׃

  23. שְׁמֹות י״ז:י״בבערך תצ״א לפנה״ס

    וידי משה כבדים ויקחו אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השמש׃

  24. שְׁמֹות י״ז:י״גבערך תצ״א לפנה״ס

    ויחלש יהושע את עמלק ואת עמו לפי חרב׃

  25. שְׁמֹות י״ז:י״דבערך תצ״א לפנה״ס

    ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים׃