פסוקים על Miracles

338 פסוקים · 37 היבטים

פסוקי מפתח

סינון לפי ספר
  1. שְׁמֹות ג׳:י״ט

    ואני ידעתי כי לא יתן אתכם מלך מצרים להלך ולא ביד חזקה׃

  2. שְׁמֹות ג׳:כ׳

    ושלחתי את ידי והכיתי את מצרים בכל נפלאתי אשר אעשה בקרבו ואחרי כן ישלח אתכם׃

  3. שְׁמֹות ד׳:א׳

    ¶ ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוה׃

  4. שְׁמֹות ד׳:ב׳

    ויאמר אליו יהוה מזה בידך ויאמר מטה׃

  5. שְׁמֹות ד׳:ג׳

    ויאמר השליכהו ארצה וישליכהו ארצה ויהי לנחש וינס משה מפניו׃

  6. שְׁמֹות ד׳:ד׳

    ויאמר יהוה אל משה שלח ידך ואחז בזנבו וישלח ידו ויחזק בו ויהי למטה בכפו׃

  7. שְׁמֹות ד׳:ה׳

    למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב׃

  8. שְׁמֹות ד׳:ו׳

    ויאמר יהוה לו עוד הבא נא ידך בחיקך ויבא ידו בחיקו ויוצאה והנה ידו מצרעת כשלג׃

  9. שְׁמֹות ד׳:ז׳

    ויאמר השב ידך אל חיקך וישב ידו אל חיקו ויוצאה מחיקו והנה שבה כבשרו׃

  10. שְׁמֹות ד׳:ח׳

    והיה אם לא יאמינו לך ולא ישמעו לקל האת הראשון והאמינו לקל האת האחרון׃

  11. שְׁמֹות ד׳:ט׳

    והיה אם לא יאמינו גם לשני האתות האלה ולא ישמעון לקלך ולקחת ממימי היאר ושפכת היבשה והיו המים אשר תקח מן היאר והיו לדם ביבשת׃

  12. שְׁמֹות ד׳:כ״ח

    ויגד משה לאהרן את כל דברי יהוה אשר שלחו ואת כל האתת אשר צוהו׃

  13. שְׁמֹות ד׳:כ״ט

    וילך משה ואהרן ויאספו את כל זקני בני ישראל׃

  14. שְׁמֹות ד׳:ל׳

    וידבר אהרן את כל הדברים אשר דבר יהוה אל משה ויעש האתת לעיני העם׃

  15. שְׁמֹות ד׳:ל״א

    ויאמן העם וישמעו כי פקד יהוה את בני ישראל וכי ראה את ענים ויקדו וישתחוו׃

  16. שְׁמֹות ז׳:ה׳

    וידעו מצרים כי אני יהוה בנטתי את ידי על מצרים והוצאתי את בני ישראל מתוכם׃

  17. שְׁמֹות ז׳:י״ז

    כה אמר יהוה בזאת תדע כי אני יהוה הנה אנכי מכה במטה אשר בידי על המים אשר ביאר ונהפכו לדם׃

  18. שְׁמֹות ח׳:ח׳

    ויקרא פרעה למשה ולאהרן ויאמר העתירו אל יהוה ויסר הצפרדעים ממני ומעמי ואשלחה את העם ויזבחו ליהוה׃

  19. שְׁמֹות ח׳:ט׳

    ויאמר משה לפרעה התפאר עלי למתי אעתיר לך ולעבדיך ולעמך להכרית הצפרדעים ממך ומבתיך רק ביאר תשארנה׃

  20. שְׁמֹות ח׳:י׳

    ויאמר למחר ויאמר כדברך למען תדע כי אין כיהוה אלהינו׃

  21. שְׁמֹות ח׳:י״ט

    ויאמרו החרטמים אל פרעה אצבע אלהים הוא ויחזק לב פרעה ולא שמע אלהם כאשר דבר יהוה׃

  22. שְׁמֹות ח׳:כ״ב

    והפליתי ביום ההוא את ארץ גשן אשר עמי עמד עליה לבלתי היות שם ערב למען תדע כי אני יהוה בקרב הארץ׃

  23. שְׁמֹות ט׳:י״ד

    כי בפעם הזאת אני שלח את כל מגפתי אל לבך ובעבדיך ובעמך בעבור תדע כי אין כמני בכל הארץ׃

  24. שְׁמֹות ט׳:ט״ו

    כי עתה שלחתי את ידי ואך אותך ואת עמך בדבר ותכחד מן הארץ׃

  25. שְׁמֹות ט׳:ט״ז

    ואולם בעבור זאת העמדתיך בעבור הראתך את כחי ולמען ספר שמי בכל הארץ׃