פסוקים על Miracles

338 פסוקים · 37 היבטים

פסוקי מפתח

סינון לפי ספר
  1. שְׁמֹות ט׳:כ״ט

    ויאמר אליו משה כצאתי את העיר אפרש את כפי אל יהוה הקלות יחדלון והברד לא יהיה עוד למען תדע כי ליהוה הארץ׃

  2. שְׁמֹות י׳:א׳

    ¶ ויאמר יהוה אל משה בא אל פרעה כי אני הכבדתי את לבו ואת לב עבדיו למען שתי אתתי אלה בקרבו׃

  3. שְׁמֹות י׳:ב׳

    ולמען תספר באזני בנך ובן בנך את אשר התעללתי במצרים ואת אתתי אשר שמתי בם וידעתם כי אני יהוה׃

  4. שְׁמֹות י׳:ז׳

    ויאמרו עבדי פרעה אליו עד מתי יהיה זה לנו למוקש שלח את האנשים ויעבדו את יהוה אלהיהם הטרם תדע כי אבדה מצרים׃

  5. שְׁמֹות י׳:ט״ז

    וימהר פרעה לקרא למשה ולאהרן ויאמר חטאתי ליהוה אלהיכם ולכם׃

  6. שְׁמֹות י׳:י״ז

    ועתה שא נא חטאתי אך הפעם והעתירו ליהוה אלהיכם ויסר מעלי רק את המות הזה׃

  7. שְׁמֹות י״א:א׳

    ¶ ויאמר יהוה אל משה עוד נגע אחד אביא על פרעה ועל מצרים אחרי כן ישלח אתכם מזה כשלחו כלה גרש יגרש אתכם מזה׃

  8. שְׁמֹות י״א:ז׳

    ולכל בני ישראל לא יחרץ כלב לשנו למאיש ועד בהמה למען תדעון אשר יפלה יהוה בין מצרים ובין ישראל׃

  9. שְׁמֹות י״א:ח׳

    וירדו כל עבדיך אלה אלי והשתחוו לי לאמר צא אתה וכל העם אשר ברגליך ואחרי כן אצא ויצא מעם פרעה בחרי אף׃

  10. שְׁמֹות י״א:ט׳

    ויאמר יהוה אל משה לא ישמע אליכם פרעה למען רבות מופתי בארץ מצרים׃

  11. שְׁמֹות י״ב:כ״ט

    ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃

  12. שְׁמֹות י״ב:ל׳

    ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃

  13. שְׁמֹות י״ב:ל״א

    ויקרא למשה ולאהרן לילה ויאמר קומו צאו מתוך עמי גם אתם גם בני ישראל ולכו עבדו את יהוה כדברכם׃

  14. שְׁמֹות י״ב:ל״ב

    גם צאנכם גם בקרכם קחו כאשר דברתם ולכו וברכתם גם אתי׃

  15. שְׁמֹות י״ב:ל״ג

    ותחזק מצרים על העם למהר לשלחם מן הארץ כי אמרו כלנו מתים׃

  16. שְׁמֹות י״ד:ד׳

    וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן׃

  17. שְׁמֹות י״ד:י״ח

    וידעו מצרים כי אני יהוה בהכבדי בפרעה ברכבו ובפרשיו׃

  18. שְׁמֹות י״ד:כ״ד

    ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים׃

  19. שְׁמֹות י״ד:כ״ה

    ויסר את אפן מרכבתיו וינהגהו בכבדת ויאמר מצרים אנוסה מפני ישראל כי יהוה נלחם להם במצרים׃

  20. שְׁמֹות י״ד:ל״א

    וירא ישראל את היד הגדלה אשר עשה יהוה במצרים וייראו העם את יהוה ויאמינו ביהוה ובמשה עבדו׃

  21. שְׁמֹות ט״ז:ד׳

    ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילך בתורתי אם לא׃

  22. שְׁמֹות ט״ז:ה׳

    והיה ביום הששי והכינו את אשר יביאו והיה משנה על אשר ילקטו יום יום׃

  23. שְׁמֹות ט״ז:ו׳

    ויאמר משה ואהרן אל כל בני ישראל ערב וידעתם כי יהוה הוציא אתכם מארץ מצרים׃

  24. שְׁמֹות י״ט:ד׳

    אתם ראיתם אשר עשיתי למצרים ואשא אתכם על כנפי נשרים ואבא אתכם אלי׃

  25. שְׁמֹות י״ט:ה׳

    ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃