Gad

ותאמר לאה בגד ותקרא את שמו גד׃

ובני זלפה שפחת לאה גד ואשר אלה בני יעקב אשר ילד לו בפדן ארם׃

ובני גד צפיון וחגי שוני ואצבן ערי וארודי ואראלי׃

גד גדוד יגודנו והוא יגד עקב׃

דן ונפתלי גד ואשר׃

לגד אליסף בן דעואל׃

לבני גד תולדתם למשפחתם לבית אבתם במספר שמות מבן עשרים שנה ומעלה כל יצא צבא׃

פקדיהם למטה גד חמשה וארבעים אלף ושש מאות וחמשים׃

ומטה גד ונשיא לבני גד אליסף בן דעואל׃

ביום הששי נשיא לבני גד אליסף בן דעואל׃

ועל צבא מטה בני גד אליסף בן דעואל׃

למטה גד גאואל בן מכי׃

בני גד למשפחתם לצפון משפחת הצפוני לחגי משפחת החגי לשוני משפחת השוני׃

אלה משפחת בני גד לפקדיהם ארבעים אלף וחמש מאות׃

¶ ומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה׃

ויבאו בני גד ובני ראובן ויאמרו אל משה ואל אלעזר הכהן ואל נשיאי העדה לאמר׃

ויאמר משה לבני גד ולבני ראובן האחיכם יבאו למלחמה ואתם תשבו פה׃

ויאמר בני גד ובני ראובן אל משה לאמר עבדיך יעשו כאשר אדני מצוה׃

ויאמר משה אלהם אם יעברו בני גד ובני ראובן אתכם את הירדן כל חלוץ למלחמה לפני יהוה ונכבשה הארץ לפניכם ונתתם להם את ארץ הגלעד לאחזה׃

ויענו בני גד ובני ראובן לאמר את אשר דבר יהוה אל עבדיך כן נעשה׃

ויתן להם משה לבני גד ולבני ראובן ולחצי שבט מנשה בן יוסף את ממלכת סיחן מלך האמרי ואת ממלכת עוג מלך הבשן הארץ לעריה בגבלת ערי הארץ סביב׃

ויבנו בני גד את דיבן ואת עטרת ואת ערער׃

כי לקחו מטה בני הראובני לבית אבתם ומטה בני הגדי לבית אבתם וחצי מטה מנשה לקחו נחלתם׃

ואלה יעמדו על הקללה בהר עיבל ראובן גד ואשר וזבולן דן ונפתלי׃

ולגד אמר ברוך מרחיב גד כלביא שכן וטרף זרוע אף קדקד׃