Zebulun

ותאמר לאה זבדני אלהים אתי זבד טוב הפעם יזבלני אישי כי ילדתי לו ששה בנים ותקרא את שמו זבלון׃

בני לאה בכור יעקב ראובן ושמעון ולוי ויהודה ויששכר וזבלון׃

ובני זבולן סרד ואלון ויחלאל׃

זבולן לחוף ימים ישכן והוא לחוף אניות וירכתו על צידן׃

יששכר זבולן ובנימן׃

לזבולן אליאב בן חלן׃

לבני זבולן תולדתם למשפחתם לבית אבתם במספר שמת מבן עשרים שנה ומעלה כל יצא צבא׃

פקדיהם למטה זבולן שבעה וחמשים אלף וארבע מאות׃

מטה זבולן ונשיא לבני זבולן אליאב בן חלן׃

ביום השלישי נשיא לבני זבולן אליאב בן חלן׃

ועל צבא מטה בני זבולן אליאב בן חלון׃

למטה זבולן גדיאל בן סודי׃

בני זבולן למשפחתם לסרד משפחת הסרדי לאלון משפחת האלני ליחלאל משפחת היחלאלי׃

ולמטה בני זבולן נשיא אליצפן בן פרנך׃

ואלה יעמדו על הקללה בהר עיבל ראובן גד ואשר וזבולן דן ונפתלי׃

ולזבולן אמר שמח זבולן בצאתך ויששכר באהליך׃

ויעל הגורל השלישי לבני זבולן למשפחתם ויהי גבול נחלתם עד שריד׃

זאת נחלת בני זבולן למשפחותם הערים האלה וחצריהן׃

ושב מזרח השמש בית דגן ופגע בזבלון ובגי יפתח אל צפונה בית העמק ונעיאל ויצא אל כבול משמאל׃

ושב הגבול ימה אזנות תבור ויצא משם חוקקה ופגע בזבלון מנגב ובאשר פגע מים וביהודה הירדן מזרח השמש׃

לבני מררי למשפחתם ממטה ראובן וממטה גד וממטה זבולן ערים שתים עשרה׃

ולמשפחות בני מררי הלוים הנותרים מאת מטה זבולן את יקנעם ואת מגרשה את קרתה ואת מגרשה׃

זבולן לא הוריש את יושבי קטרון ואת יושבי נהלל וישב הכנעני בקרבו ויהיו למס׃

ותשלח ותקרא לברק בן אבינעם מקדש נפתלי ותאמר אליו הלא צוה יהוה אלהי ישראל לך ומשכת בהר תבור ולקחת עמך עשרת אלפים איש מבני נפתלי ומבני זבלון׃

ויזעק ברק את זבולן ואת נפתלי קדשה ויעל ברגליו עשרת אלפי איש ותעל עמו דבורה׃