TRV
circa 1900–1700 BC
Jacob, Joseph & Egypt
Jacob wrestles with God and becomes Israel; Joseph is sold into slavery yet rises to save the world from famine.
פסוקים מתקופה זו
- בְּרֵאשִׁית כ״ו:א׳בערך 1804 לפנה״ס
¶ ויהי רעב בארץ מלבד הרעב הראשון אשר היה בימי אברהם וילך יצחק אל אבימלך מלך פלשתים גררה׃
- בְּרֵאשִׁית כ״ו:ב׳בערך 1804 לפנה״ס
וירא אליו יהוה ויאמר אל תרד מצרימה שכן בארץ אשר אמר אליך׃
- בְּרֵאשִׁית כ״ו:ג׳בערך 1804 לפנה״ס
גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השבעה אשר נשבעתי לאברהם אביך׃
- בְּרֵאשִׁית כ״ו:ד׳בערך 1804 לפנה״ס
והרביתי את זרעך ככוכבי השמים ונתתי לזרעך את כל הארצת האל והתברכו בזרעך כל גויי הארץ׃
- בְּרֵאשִׁית כ״ו:ה׳בערך 1804 לפנה״ס
עקב אשר שמע אברהם בקלי וישמר משמרתי מצותי חקותי ותורתי׃
- בְּרֵאשִׁית כ״ו:ו׳בערך 1804 לפנה״ס
וישב יצחק בגרר׃
- בְּרֵאשִׁית כ״ו:ז׳בערך 1804 לפנה״ס
וישאלו אנשי המקום לאשתו ויאמר אחתי הוא כי ירא לאמר אשתי פן יהרגני אנשי המקום על רבקה כי טובת מראה היא׃
- בְּרֵאשִׁית כ״ו:ח׳בערך 1804 לפנה״ס
ויהי כי ארכו לו שם הימים וישקף אבימלך מלך פלשתים בעד החלון וירא והנה יצחק מצחק את רבקה אשתו׃
- בְּרֵאשִׁית כ״ו:ט׳בערך 1804 לפנה״ס
ויקרא אבימלך ליצחק ויאמר אך הנה אשתך הוא ואיך אמרת אחתי הוא ויאמר אליו יצחק כי אמרתי פן אמות עליה׃
- בְּרֵאשִׁית כ״ו:י׳בערך 1804 לפנה״ס
ויאמר אבימלך מה זאת עשית לנו כמעט שכב אחד העם את אשתך והבאת עלינו אשם׃
- בְּרֵאשִׁית כ״ו:י״אבערך 1804 לפנה״ס
ויצו אבימלך את כל העם לאמר הנגע באיש הזה ובאשתו מות יומת׃
- בְּרֵאשִׁית כ״ו:י״בבערך 1804 לפנה״ס
ויזרע יצחק בארץ ההוא וימצא בשנה ההוא מאה שערים ויברכהו יהוה׃
- בְּרֵאשִׁית כ״ו:י״גבערך 1804 לפנה״ס
ויגדל האיש וילך הלוך וגדל עד כי גדל מאד׃
- בְּרֵאשִׁית כ״ו:י״דבערך 1804 לפנה״ס
ויהי לו מקנה צאן ומקנה בקר ועבדה רבה ויקנאו אתו פלשתים׃
- בְּרֵאשִׁית כ״ו:ט״ובערך 1804 לפנה״ס
וכל הבארת אשר חפרו עבדי אביו בימי אברהם אביו סתמום פלשתים וימלאום עפר׃
- בְּרֵאשִׁית כ״ו:ט״זבערך 1804 לפנה״ס
ויאמר אבימלך אל יצחק לך מעמנו כי עצמת ממנו מאד׃
- בְּרֵאשִׁית כ״ו:י״זבערך 1804 לפנה״ס
וילך משם יצחק ויחן בנחל גרר וישב שם׃
- בְּרֵאשִׁית כ״ו:י״חבערך 1804 לפנה״ס
וישב יצחק ויחפר את בארת המים אשר חפרו בימי אברהם אביו ויסתמום פלשתים אחרי מות אברהם ויקרא להן שמות כשמת אשר קרא להן אביו׃
- בְּרֵאשִׁית כ״ו:י״טבערך 1804 לפנה״ס
ויחפרו עבדי יצחק בנחל וימצאו שם באר מים חיים׃
- בְּרֵאשִׁית כ״ו:כ׳בערך 1804 לפנה״ס
ויריבו רעי גרר עם רעי יצחק לאמר לנו המים ויקרא שם הבאר עשק כי התעשקו עמו׃
- בְּרֵאשִׁית כ״ו:כ״אבערך 1804 לפנה״ס
ויחפרו באר אחרת ויריבו גם עליה ויקרא שמה שטנה׃
- בְּרֵאשִׁית כ״ו:כ״בבערך 1804 לפנה״ס
ויעתק משם ויחפר באר אחרת ולא רבו עליה ויקרא שמה רחבות ויאמר כי עתה הרחיב יהוה לנו ופרינו בארץ׃
- בְּרֵאשִׁית כ״ו:כ״גבערך 1804 לפנה״ס
ויעל משם באר שבע׃
- בְּרֵאשִׁית כ״ו:כ״דבערך 1804 לפנה״ס
וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי׃
- בְּרֵאשִׁית כ״ו:כ״הבערך 1804 לפנה״ס
ויבן שם מזבח ויקרא בשם יהוה ויט שם אהלו ויכרו שם עבדי יצחק באר׃