Laban

ולרבקה אח ושמו לבן וירץ לבן אל האיש החוצה אל העין׃

ויען לבן ובתואל ויאמרו מיהוה יצא הדבר לא נוכל דבר אליך רע או טוב׃

ויהי יצחק בן ארבעים שנה בקחתו את רבקה בת בתואל הארמי מפדן ארם אחות לבן הארמי לו לאשה׃

ועתה בני שמע בקלי וקום ברח לך אל לבן אחי חרנה׃

קום לך פדנה ארם ביתה בתואל אבי אמך וקח לך משם אשה מבנות לבן אחי אמך׃

וישלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשו׃

ויאמר להם הידעתם את לבן בן נחור ויאמרו ידענו׃

ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמו׃

ויהי כשמע לבן את שמע יעקב בן אחתו וירץ לקראתו ויחבק לו וינשק לו ויביאהו אל ביתו ויספר ללבן את כל הדברים האלה׃

ויאמר לו לבן אך עצמי ובשרי אתה וישב עמו חדש ימים׃

ויאמר לבן ליעקב הכי אחי אתה ועבדתני חנם הגידה לי מה משכרתך׃

וללבן שתי בנות שם הגדלה לאה ושם הקטנה רחל׃

ויאמר לבן טוב תתי אתה לך מתתי אתה לאיש אחר שבה עמדי׃

ויאמר יעקב אל לבן הבה את אשתי כי מלאו ימי ואבואה אליה׃

ויאסף לבן את כל אנשי המקום ויעש משתה׃

ויתן לבן לה את זלפה שפחתו ללאה בתו שפחה׃

ויהי בבקר והנה הוא לאה ויאמר אל לבן מה זאת עשית לי הלא ברחל עבדתי עמך ולמה רמיתני׃

ויאמר לבן לא יעשה כן במקומנו לתת הצעירה לפני הבכירה׃

ויתן לבן לרחל בתו את בלהה שפחתו לה לשפחה׃

ויהי כאשר ילדה רחל את יוסף ויאמר יעקב אל לבן שלחני ואלכה אל מקומי ולארצי׃

ויאמר אליו לבן אם נא מצאתי חן בעיניך נחשתי ויברכני יהוה בגללך׃

ויאמר לבן הן לו יהי כדברך׃

וישם דרך שלשת ימים בינו ובין יעקב ויעקב רעה את צאן לבן הנותרת׃

והכשבים הפריד יעקב ויתן פני הצאן אל עקד וכל חום בצאן לבן וישת לו עדרים לבדו ולא שתם על צאן לבן׃

ובהעטיף הצאן לא ישים והיה העטפים ללבן והקשרים ליעקב׃