Rachel

ויאמר להם השלום לו ויאמרו שלום והנה רחל בתו באה עם הצאן׃

עודנו מדבר עמם ורחל באה עם הצאן אשר לאביה כי רעה הוא׃

ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמו׃

וישק יעקב לרחל וישא את קלו ויבך׃

ויגד יעקב לרחל כי אחי אביה הוא וכי בן רבקה הוא ותרץ ותגד לאביה׃

וללבן שתי בנות שם הגדלה לאה ושם הקטנה רחל׃

ועיני לאה רכות ורחל היתה יפת תאר ויפת מראה׃

ויאהב יעקב את רחל ויאמר אעבדך שבע שנים ברחל בתך הקטנה׃

ויעבד יעקב ברחל שבע שנים ויהיו בעיניו כימים אחדים באהבתו אתה׃

ויהי בבקר והנה הוא לאה ויאמר אל לבן מה זאת עשית לי הלא ברחל עבדתי עמך ולמה רמיתני׃

ויעש יעקב כן וימלא שבע זאת ויתן לו את רחל בתו לו לאשה׃

ויתן לבן לרחל בתו את בלהה שפחתו לה לשפחה׃

ויבא גם אל רחל ויאהב גם את רחל מלאה ויעבד עמו עוד שבע שנים אחרות׃

וירא יהוה כי שנואה לאה ויפתח את רחמה ורחל עקרה׃

¶ ותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי׃

ויחר אף יעקב ברחל ויאמר התחת אלהים אנכי אשר מנע ממך פרי בטן׃

ותאמר רחל דנני אלהים וגם שמע בקלי ויתן לי בן על כן קראה שמו דן׃

ותהר עוד ותלד בלהה שפחת רחל בן שני ליעקב׃

ותאמר רחל נפתולי אלהים נפתלתי עם אחתי גם יכלתי ותקרא שמו נפתלי׃

וילך ראובן בימי קציר חטים וימצא דודאים בשדה ויבא אתם אל לאה אמו ותאמר רחל אל לאה תני נא לי מדודאי בנך׃

ותאמר לה המעט קחתך את אישי ולקחת גם את דודאי בני ותאמר רחל לכן ישכב עמך הלילה תחת דודאי בנך׃

ויזכר אלהים את רחל וישמע אליה אלהים ויפתח את רחמה׃

ויהי כאשר ילדה רחל את יוסף ויאמר יעקב אל לבן שלחני ואלכה אל מקומי ולארצי׃

וישלח יעקב ויקרא לרחל וללאה השדה אל צאנו׃

ותען רחל ולאה ותאמרנה לו העוד לנו חלק ונחלה בבית אבינו׃