פסוקים על The Tribe Of Naphtali

ותהר עוד ותלד בלהה שפחת רחל בן שני ליעקב׃

ותאמר רחל נפתולי אלהים נפתלתי עם אחתי גם יכלתי ותקרא שמו נפתלי׃

נפתלי אילה שלחה הנתן אמרי שפר׃

לנפתלי אחירע בן עינן׃

בני נפתלי תולדתם למשפחתם לבית אבתם במספר שמת מבן עשרים שנה ומעלה כל יצא צבא׃

פקדיהם למטה נפתלי שלשה וחמשים אלף וארבע מאות׃

דגל מחנה דן צפנה לצבאתם ונשיא לבני דן אחיעזר בן עמישדי׃

ומטה נפתלי ונשיא לבני נפתלי אחירע בן עינן׃

ביום שנים עשר יום נשיא לבני נפתלי אחירע בן עינן׃

קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃

כף אחת עשרה זהב מלאה קטרת׃

פר אחד בן בקר איל אחד כבש אחד בן שנתו לעלה׃

שעיר עזים אחד לחטאת׃

ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אחירע בן עינן׃

ונסע דגל מחנה בני דן מאסף לכל המחנת לצבאתם ועל צבאו אחיעזר בן עמישדי׃

ועל צבא מטה בני נפתלי אחירע בן עינן׃

למטה נפתלי נחבי בן ופסי׃

בני נפתלי למשפחתם ליחצאל משפחת היחצאלי לגוני משפחת הגוני׃

ליצר משפחת היצרי לשלם משפחת השלמי׃

אלה משפחת נפתלי למשפחתם ופקדיהם חמשה וארבעים אלף וארבע מאות׃

ולמטה בני נפתלי נשיא פדהאל בן עמיהוד׃

ואלה יעמדו על הקללה בהר עיבל ראובן גד ואשר וזבולן דן ונפתלי׃

ולנפתלי אמר נפתלי שבע רצון ומלא ברכת יהוה ים ודרום ירשה׃

לבני נפתלי יצא הגורל הששי לבני נפתלי למשפחתם׃

ויהי גבולם מחלף מאלון בצעננים ואדמי הנקב ויבנאל עד לקום ויהי תצאתיו הירדן׃