Asher

ותאמר לאה באשרי כי אשרוני בנות ותקרא את שמו אשר׃

ובני זלפה שפחת לאה גד ואשר אלה בני יעקב אשר ילד לו בפדן ארם׃

ובני אשר ימנה וישוה וישוי ובריעה ושרח אחתם ובני בריעה חבר ומלכיאל׃

מאשר שמנה לחמו והוא יתן מעדני מלך׃

דן ונפתלי גד ואשר׃

לאשר פגעיאל בן עכרן׃

לבני אשר תולדתם למשפחתם לבית אבתם במספר שמת מבן עשרים שנה ומעלה כל יצא צבא׃

פקדיהם למטה אשר אחד וארבעים אלף וחמש מאות׃

והחנים עליו מטה אשר ונשיא לבני אשר פגעיאל בן עכרן׃

ביום עשתי עשר יום נשיא לבני אשר פגעיאל בן עכרן׃

ועל צבא מטה בני אשר פגעיאל בן עכרן׃

למטה אשר סתור בן מיכאל׃

בני אשר למשפחתם לימנה משפחת הימנה לישוי משפחת הישוי לבריעה משפחת הבריעי׃

ושם בת אשר שרח׃

אלה משפחת בני אשר לפקדיהם שלשה וחמשים אלף וארבע מאות׃

ולמטה בני אשר נשיא אחיהוד בן שלמי׃

ואלה יעמדו על הקללה בהר עיבל ראובן גד ואשר וזבולן דן ונפתלי׃

ולאשר אמר ברוך מבנים אשר יהי רצוי אחיו וטבל בשמן רגלו׃

ויהי גבול מנשה מאשר המכמתת אשר על פני שכם והלך הגבול אל הימין אל ישבי עין תפוח׃

נגבה לאפרים וצפונה למנשה ויהי הים גבולו ובאשר יפגעון מצפון וביששכר ממזרח׃

ויהי למנשה ביששכר ובאשר בית שאן ובנותיה ויבלעם ובנותיה ואת ישבי דאר ובנותיה וישבי עין דר ובנתיה וישבי תענך ובנתיה וישבי מגדו ובנותיה שלשת הנפת׃

ויצא הגורל החמישי למטה בני אשר למשפחותם׃

זאת נחלת מטה בני אשר למשפחתם הערים האלה וחצריהן׃

ושב הגבול ימה אזנות תבור ויצא משם חוקקה ופגע בזבלון מנגב ובאשר פגע מים וביהודה הירדן מזרח השמש׃

ולבני גרשון ממשפחות מטה יששכר וממטה אשר וממטה נפתלי ומחצי מטה מנשה בבשן בגורל ערים שלש עשרה׃