פסוקים על The Tribe Of Asher

ביום עשתי עשר יום נשיא לבני אשר פגעיאל בן עכרן׃

קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃

כף אחת עשרה זהב מלאה קטרת׃

פר אחד בן בקר איל אחד כבש אחד בן שנתו לעלה׃

שעיר עזים אחד לחטאת׃

ולזבח השלמים בקר שנים אילם חמשה עתדים חמשה כבשים בני שנה חמשה זה קרבן פגעיאל בן עכרן׃

בני אשר למשפחתם לימנה משפחת הימנה לישוי משפחת הישוי לבריעה משפחת הבריעי׃

לבני בריעה לחבר משפחת החברי למלכיאל משפחת המלכיאלי׃

ושם בת אשר שרח׃

אלה משפחת בני אשר לפקדיהם שלשה וחמשים אלף וארבע מאות׃

ויצא הגורל החמישי למטה בני אשר למשפחותם׃

ויהי גבולם חלקת וחלי ובטן ואכשף׃

ואלמלך ועמעד ומשאל ופגע בכרמל הימה ובשיחור לבנת׃

ושב מזרח השמש בית דגן ופגע בזבלון ובגי יפתח אל צפונה בית העמק ונעיאל ויצא אל כבול משמאל׃

ועברן ורחב וחמון וקנה עד צידון רבה׃

ושב הגבול הרמה ועד עיר מבצר צר ושב הגבול חסה ויהיו תצאתיו הימה מחבל אכזיבה׃

ועמה ואפק ורחב ערים עשרים ושתים וחצריהן׃

זאת נחלת מטה בני אשר למשפחתם הערים האלה וחצריהן׃

בני אשר ימנה וישוה וישוי ובריעה ושרח אחותם׃

ובני בריעה חבר ומלכיאל הוא אבי ברזות׃

וחבר הוליד את יפלט ואת שומר ואת חותם ואת שועא אחותם׃

ובני יפלט פסך ובמהל ועשות אלה בני יפלט׃

ובני שמר אחי ורוהגה יחבה וארם׃

ובן הלם אחיו צופח וימנע ושלש ועמל׃

בני צופח סוח וחרנפר ושועל וברי וימרה׃