circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים א׳:א׳בערך תט״ו לפנה״ס

    ¶ והמלך דוד זקן בא בימים ויכסהו בבגדים ולא יחם לו׃

  2. 1 מְלָכִים א׳:ב׳בערך תט״ו לפנה״ס

    ויאמרו לו עבדיו יבקשו לאדני המלך נערה בתולה ועמדה לפני המלך ותהי לו סכנת ושכבה בחיקך וחם לאדני המלך׃

  3. 1 מְלָכִים א׳:ג׳בערך תט״ו לפנה״ס

    ויבקשו נערה יפה בכל גבול ישראל וימצאו את אבישג השונמית ויבאו אתה למלך׃

  4. 1 מְלָכִים א׳:ד׳בערך תט״ו לפנה״ס

    והנערה יפה עד מאד ותהי למלך סכנת ותשרתהו והמלך לא ידעה׃

  5. 1 מְלָכִים א׳:ה׳בערך תט״ו לפנה״ס

    ואדניה בן חגית מתנשא לאמר אני אמלך ויעש לו רכב ופרשים וחמשים איש רצים לפניו׃

  6. 1 מְלָכִים א׳:ו׳בערך תט״ו לפנה״ס

    ולא עצבו אביו מימיו לאמר מדוע ככה עשית וגם הוא טוב תאר מאד ואתו ילדה אחרי אבשלום׃

  7. 1 מְלָכִים א׳:ז׳בערך תט״ו לפנה״ס

    ויהיו דבריו עם יואב בן צרויה ועם אביתר הכהן ויעזרו אחרי אדניה׃

  8. 1 מְלָכִים א׳:ח׳בערך תט״ו לפנה״ס

    וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד לא היו עם אדניהו׃

  9. 1 מְלָכִים א׳:ט׳בערך תט״ו לפנה״ס

    ויזבח אדניהו צאן ובקר ומריא עם אבן הזחלת אשר אצל עין רגל ויקרא את כל אחיו בני המלך ולכל אנשי יהודה עבדי המלך׃

  10. 1 מְלָכִים א׳:י׳בערך תט״ו לפנה״ס

    ואת נתן הנביא ובניהו ואת הגבורים ואת שלמה אחיו לא קרא׃

  11. 1 מְלָכִים א׳:י״אבערך תט״ו לפנה״ס

    ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידע׃

  12. 1 מְלָכִים א׳:י״בבערך תט״ו לפנה״ס

    ועתה לכי איעצך נא עצה ומלטי את נפשך ואת נפש בנך שלמה׃

  13. 1 מְלָכִים א׳:י״גבערך תט״ו לפנה״ס

    לכי ובאי אל המלך דוד ואמרת אליו הלא אתה אדני המלך נשבעת לאמתך לאמר כי שלמה בנך ימלך אחרי והוא ישב על כסאי ומדוע מלך אדניהו׃

  14. 1 מְלָכִים א׳:י״דבערך תט״ו לפנה״ס

    הנה עודך מדברת שם עם המלך ואני אבוא אחריך ומלאתי את דבריך׃

  15. 1 מְלָכִים א׳:ט״ובערך תט״ו לפנה״ס

    ותבא בת שבע אל המלך החדרה והמלך זקן מאד ואבישג השונמית משרת את המלך׃

  16. 1 מְלָכִים א׳:ט״זבערך תט״ו לפנה״ס

    ותקד בת שבע ותשתחו למלך ויאמר המלך מה לך׃

  17. 1 מְלָכִים א׳:י״זבערך תט״ו לפנה״ס

    ותאמר לו אדני אתה נשבעת ביהוה אלהיך לאמתך כי שלמה בנך ימלך אחרי והוא ישב על כסאי׃

  18. 1 מְלָכִים א׳:י״חבערך תט״ו לפנה״ס

    ועתה הנה אדניה מלך ועתה אדני המלך לא ידעת׃

  19. 1 מְלָכִים א׳:י״טבערך תט״ו לפנה״ס

    ויזבח שור ומריא וצאן לרב ויקרא לכל בני המלך ולאביתר הכהן וליאב שר הצבא ולשלמה עבדך לא קרא׃

  20. 1 מְלָכִים א׳:כ׳בערך תט״ו לפנה״ס

    ואתה אדני המלך עיני כל ישראל עליך להגיד להם מי ישב על כסא אדני המלך אחריו׃

  21. 1 מְלָכִים א׳:כ״אבערך תט״ו לפנה״ס

    והיה כשכב אדני המלך עם אבתיו והייתי אני ובני שלמה חטאים׃

  22. 1 מְלָכִים א׳:כ״בבערך תט״ו לפנה״ס

    והנה עודנה מדברת עם המלך ונתן הנביא בא׃

  23. 1 מְלָכִים א׳:כ״גבערך תט״ו לפנה״ס

    ויגידו למלך לאמר הנה נתן הנביא ויבא לפני המלך וישתחו למלך על אפיו ארצה׃

  24. 1 מְלָכִים א׳:כ״דבערך תט״ו לפנה״ס

    ויאמר נתן אדני המלך אתה אמרת אדניהו ימלך אחרי והוא ישב על כסאי׃

  25. 1 מְלָכִים א׳:כ״הבערך תט״ו לפנה״ס

    כי ירד היום ויזבח שור ומריא וצאן לרב ויקרא לכל בני המלך ולשרי הצבא ולאביתר הכהן והנם אכלים ושתים לפניו ויאמרו יחי המלך אדניהו׃