Joab

120 פסוקים · 3 בני משפחה

פסוקים המזכירים את Joab

1 שְׁמוּאֵל כ״ו:ו׳
ויען דוד ויאמר אל אחימלך החתי ואל אבישי בן צרויה אחי יואב לאמר מי ירד אתי אל שאול אל המחנה ויאמר אבישי אני ארד עמך׃
2 שְׁמוּאֵל ב׳:י״ג
ויואב בן צרויה ועבדי דוד יצאו ויפגשום על ברכת גבעון יחדו וישבו אלה על הברכה מזה ואלה על הברכה מזה׃
2 שְׁמוּאֵל ב׳:י״ד
ויאמר אבנר אל יואב יקומו נא הנערים וישחקו לפנינו ויאמר יואב יקמו׃
2 שְׁמוּאֵל ב׳:י״ח
ויהיו שם שלשה בני צרויה יואב ואבישי ועשהאל ועשהאל קל ברגליו כאחד הצבים אשר בשדה׃
2 שְׁמוּאֵל ב׳:כ״ב
ויסף עוד אבנר לאמר אל עשהאל סור לך מאחרי למה אככה ארצה ואיך אשא פני אל יואב אחיך׃
2 שְׁמוּאֵל ב׳:כ״ד
וירדפו יואב ואבישי אחרי אבנר והשמש באה והמה באו עד גבעת אמה אשר על פני גיח דרך מדבר גבעון׃
2 שְׁמוּאֵל ב׳:כ״ו
ויקרא אבנר אל יואב ויאמר הלנצח תאכל חרב הלוא ידעתה כי מרה תהיה באחרונה ועד מתי לא תאמר לעם לשוב מאחרי אחיהם׃
2 שְׁמוּאֵל ב׳:כ״ז
ויאמר יואב חי האלהים כי לולא דברת כי אז מהבקר נעלה העם איש מאחרי אחיו׃
2 שְׁמוּאֵל ב׳:כ״ח
ויתקע יואב בשופר ויעמדו כל העם ולא ירדפו עוד אחרי ישראל ולא יספו עוד להלחם׃
2 שְׁמוּאֵל ב׳:ל׳
ויואב שב מאחרי אבנר ויקבץ את כל העם ויפקדו מעבדי דוד תשעה עשר איש ועשהאל׃
2 שְׁמוּאֵל ב׳:ל״ב
וישאו את עשהאל ויקברהו בקבר אביו אשר בית לחם וילכו כל הלילה יואב ואנשיו ויאר להם בחברון׃
2 שְׁמוּאֵל ג׳:כ״ב
והנה עבדי דוד ויואב בא מהגדוד ושלל רב עמם הביאו ואבנר איננו עם דוד בחברון כי שלחו וילך בשלום׃
2 שְׁמוּאֵל ג׳:כ״ג
ויואב וכל הצבא אשר אתו באו ויגדו ליואב לאמר בא אבנר בן נר אל המלך וישלחהו וילך בשלום׃
2 שְׁמוּאֵל ג׳:כ״ד
ויבא יואב אל המלך ויאמר מה עשיתה הנה בא אבנר אליך למה זה שלחתו וילך הלוך׃
2 שְׁמוּאֵל ג׳:כ״ו
ויצא יואב מעם דוד וישלח מלאכים אחרי אבנר וישבו אתו מבור הסרה ודוד לא ידע׃
2 שְׁמוּאֵל ג׳:כ״ז
וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃
2 שְׁמוּאֵל ג׳:כ״ט
יחלו על ראש יואב ואל כל בית אביו ואל יכרת מבית יואב זב ומצרע ומחזיק בפלך ונפל בחרב וחסר לחם׃
2 שְׁמוּאֵל ג׳:ל׳
ויואב ואבישי אחיו הרגו לאבנר על אשר המית את עשהאל אחיהם בגבעון במלחמה׃
2 שְׁמוּאֵל ג׳:ל״א
ויאמר דוד אל יואב ואל כל העם אשר אתו קרעו בגדיכם וחגרו שקים וספדו לפני אבנר והמלך דוד הלך אחרי המטה׃
2 שְׁמוּאֵל ח׳:ט״ז
ויואב בן צרויה על הצבא ויהושפט בן אחילוד מזכיר׃
2 שְׁמוּאֵל י׳:ז׳
וישמע דוד וישלח את יואב ואת כל הצבא הגברים׃
2 שְׁמוּאֵל י׳:ט׳
וירא יואב כי היתה אליו פני המלחמה מפנים ומאחור ויבחר מכל בחורי בישראל ויערך לקראת ארם׃
2 שְׁמוּאֵל י׳:י״ג
ויגש יואב והעם אשר עמו למלחמה בארם וינסו מפניו׃
2 שְׁמוּאֵל י׳:י״ד
ובני עמון ראו כי נס ארם וינסו מפני אבישי ויבאו העיר וישב יואב מעל בני עמון ויבא ירושלם׃
2 שְׁמוּאֵל י״א:א׳
¶ ויהי לתשובת השנה לעת צאת המלאכים וישלח דוד את יואב ואת עבדיו עמו ואת כל ישראל וישחתו את בני עמון ויצרו על רבה ודוד יושב בירושלם׃

מציג 1–25 מתוך 120 פסוקים

1 2 3...5 הבא