פסוקים על Abel-Beth-Maachah

12 פסוקים · 3 היבטים

פסוקי מפתח

  1. 2 שְׁמוּאֵל כ׳:י״ד

    ויעבר בכל שבטי ישראל אבלה ובית מעכה וכל הברים ויקלהו ויבאו אף אחריו׃

  2. 2 שְׁמוּאֵל כ׳:ט״ו

    ויבאו ויצרו עליו באבלה בית המעכה וישפכו סללה אל העיר ותעמד בחל וכל העם אשר את יואב משחיתם להפיל החומה׃

  3. 2 שְׁמוּאֵל כ׳:ט״ז

    ותקרא אשה חכמה מן העיר שמעו שמעו אמרו נא אל יואב קרב עד הנה ואדברה אליך׃

  4. 2 שְׁמוּאֵל כ׳:י״ז

    ויקרב אליה ותאמר האשה האתה יואב ויאמר אני ותאמר לו שמע דברי אמתך ויאמר שמע אנכי׃

  5. 2 שְׁמוּאֵל כ׳:י״ח

    ותאמר לאמר דבר ידברו בראשנה לאמר שאל ישאלו באבל וכן התמו׃

  6. 2 שְׁמוּאֵל כ׳:י״ט

    אנכי שלמי אמוני ישראל אתה מבקש להמית עיר ואם בישראל למה תבלע נחלת יהוה׃

  7. 2 שְׁמוּאֵל כ׳:כ׳

    ויען יואב ויאמר חלילה חלילה לי אם אבלע ואם אשחית׃

  8. 2 שְׁמוּאֵל כ׳:כ״א

    לא כן הדבר כי איש מהר אפרים שבע בן בכרי שמו נשא ידו במלך בדוד תנו אתו לבדו ואלכה מעל העיר ותאמר האשה אל יואב הנה ראשו משלך אליך בעד החומה׃

  9. 2 שְׁמוּאֵל כ׳:כ״ב

    ותבוא האשה אל כל העם בחכמתה ויכרתו את ראש שבע בן בכרי וישלכו אל יואב ויתקע בשופר ויפצו מעל העיר איש לאהליו ויואב שב ירושלם אל המלך׃

  10. 1 מְלָכִים ט״ו:כ׳

    וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתלי׃

  11. 2 מְלָכִים ט״ו:כ״ט

    בימי פקח מלך ישראל בא תגלת פלאסר מלך אשור ויקח את עיון ואת אבל בית מעכה ואת ינוח ואת קדש ואת חצור ואת הגלעד ואת הגלילה כל ארץ נפתלי ויגלם אשורה׃

  12. 2 דִּבְרֵי הַיָּמִים ט״ז:ד׳

    וישמע בן הדד אל המלך אסא וישלח את שרי החילים אשר לו אל ערי ישראל ויכו את עיון ואת דן ואת אבל מים ואת כל מסכנות ערי נפתלי׃