פסוקים על Abner

62 פסוקים · 6 היבטים

פסוקי מפתח

1 שְׁמוּאֵל ט׳:א׳
¶ ויהי איש מבן ימין ושמו קיש בן אביאל בן צרור בן בכורת בן אפיח בן איש ימיני גבור חיל׃
1 שְׁמוּאֵל י״ד:נ׳
ושם אשת שאול אחינעם בת אחימעץ ושם שר צבאו אבינר בן נר דוד שאול׃
1 שְׁמוּאֵל י״ד:נ״א
וקיש אבי שאול ונר אבי אבנר בן אביאל׃
1 שְׁמוּאֵל י״ז:נ״ה
וכראות שאול את דוד יצא לקראת הפלשתי אמר אל אבנר שר הצבא בן מי זה הנער אבנר ויאמר אבנר חי נפשך המלך אם ידעתי׃
1 שְׁמוּאֵל כ״ו:ה׳
ויקם דוד ויבא אל המקום אשר חנה שם שאול וירא דוד את המקום אשר שכב שם שאול ואבנר בן נר שר צבאו ושאול שכב במעגל והעם חנים סביבתו׃
1 שְׁמוּאֵל כ״ו:י״ד
ויקרא דוד אל העם ואל אבנר בן נר לאמר הלוא תענה אבנר ויען אבנר ויאמר מי אתה קראת אל המלך׃
2 שְׁמוּאֵל ב׳:ח׳
ואבנר בן נר שר צבא אשר לשאול לקח את איש בשת בן שאול ויעברהו מחנים׃
2 שְׁמוּאֵל ב׳:ט׳
וימלכהו אל הגלעד ואל האשורי ואל יזרעאל ועל אפרים ועל בנימן ועל ישראל כלה׃
2 שְׁמוּאֵל ב׳:י׳
בן ארבעים שנה איש בשת בן שאול במלכו על ישראל ושתים שנים מלך אך בית יהודה היו אחרי דוד׃
2 שְׁמוּאֵל ב׳:י״א
ויהי מספר הימים אשר היה דוד מלך בחברון על בית יהודה שבע שנים וששה חדשים׃
2 שְׁמוּאֵל ב׳:י״ב
ויצא אבנר בן נר ועבדי איש בשת בן שאול ממחנים גבעונה׃
2 שְׁמוּאֵל ב׳:י״ג
ויואב בן צרויה ועבדי דוד יצאו ויפגשום על ברכת גבעון יחדו וישבו אלה על הברכה מזה ואלה על הברכה מזה׃
2 שְׁמוּאֵל ב׳:י״ד
ויאמר אבנר אל יואב יקומו נא הנערים וישחקו לפנינו ויאמר יואב יקמו׃
2 שְׁמוּאֵל ב׳:ט״ו
ויקמו ויעברו במספר שנים עשר לבנימן ולאיש בשת בן שאול ושנים עשר מעבדי דוד׃
2 שְׁמוּאֵל ב׳:ט״ז
ויחזקו איש בראש רעהו וחרבו בצד רעהו ויפלו יחדו ויקרא למקום ההוא חלקת הצרים אשר בגבעון׃
2 שְׁמוּאֵל ב׳:י״ז
ותהי המלחמה קשה עד מאד ביום ההוא וינגף אבנר ואנשי ישראל לפני עבדי דוד׃
2 שְׁמוּאֵל ב׳:י״ח
ויהיו שם שלשה בני צרויה יואב ואבישי ועשהאל ועשהאל קל ברגליו כאחד הצבים אשר בשדה׃
2 שְׁמוּאֵל ב׳:י״ט
וירדף עשהאל אחרי אבנר ולא נטה ללכת על הימין ועל השמאול מאחרי אבנר׃
2 שְׁמוּאֵל ב׳:כ׳
ויפן אבנר אחריו ויאמר האתה זה עשהאל ויאמר אנכי׃
2 שְׁמוּאֵל ב׳:כ״א
ויאמר לו אבנר נטה לך על ימינך או על שמאלך ואחז לך אחד מהנערים וקח לך את חלצתו ולא אבה עשהאל לסור מאחריו׃
2 שְׁמוּאֵל ב׳:כ״ב
ויסף עוד אבנר לאמר אל עשהאל סור לך מאחרי למה אככה ארצה ואיך אשא פני אל יואב אחיך׃
2 שְׁמוּאֵל ב׳:כ״ג
וימאן לסור ויכהו אבנר באחרי החנית אל החמש ותצא החנית מאחריו ויפל שם וימת תחתו ויהי כל הבא אל המקום אשר נפל שם עשהאל וימת ויעמדו׃
2 שְׁמוּאֵל ב׳:כ״ד
וירדפו יואב ואבישי אחרי אבנר והשמש באה והמה באו עד גבעת אמה אשר על פני גיח דרך מדבר גבעון׃
2 שְׁמוּאֵל ב׳:כ״ה
ויתקבצו בני בנימן אחרי אבנר ויהיו לאגדה אחת ויעמדו על ראש גבעה אחת׃
2 שְׁמוּאֵל ב׳:כ״ו
ויקרא אבנר אל יואב ויאמר הלנצח תאכל חרב הלוא ידעתה כי מרה תהיה באחרונה ועד מתי לא תאמר לעם לשוב מאחרי אחיהם׃

מציג 1–25 מתוך 62 פסוקים

1 2 3 הבא