פסוקים על Abner

62 פסוקים · 6 היבטים

פסוקי מפתח

סינון לפי ספר
  1. 2 שְׁמוּאֵל ג׳:ל׳

    ויואב ואבישי אחיו הרגו לאבנר על אשר המית את עשהאל אחיהם בגבעון במלחמה׃

  2. 2 שְׁמוּאֵל ג׳:ל״א

    ויאמר דוד אל יואב ואל כל העם אשר אתו קרעו בגדיכם וחגרו שקים וספדו לפני אבנר והמלך דוד הלך אחרי המטה׃

  3. 2 שְׁמוּאֵל ג׳:ל״ב

    ויקברו את אבנר בחברון וישא המלך את קולו ויבך אל קבר אבנר ויבכו כל העם׃

  4. 2 שְׁמוּאֵל ג׳:ל״ג

    ויקנן המלך אל אבנר ויאמר הכמות נבל ימות אבנר׃

  5. 2 שְׁמוּאֵל ג׳:ל״ד

    ידך לא אסרות ורגליך לא לנחשתים הגשו כנפול לפני בני עולה נפלת ויספו כל העם לבכות עליו׃

  6. 2 שְׁמוּאֵל ג׳:ל״ה

    ויבא כל העם להברות את דוד לחם בעוד היום וישבע דוד לאמר כה יעשה לי אלהים וכה יסיף כי אם לפני בוא השמש אטעם לחם או כל מאומה׃

  7. 2 שְׁמוּאֵל ג׳:ל״ו

    וכל העם הכירו וייטב בעיניהם ככל אשר עשה המלך בעיני כל העם טוב׃

  8. 2 שְׁמוּאֵל ג׳:ל״ז

    וידעו כל העם וכל ישראל ביום ההוא כי לא היתה מהמלך להמית את אבנר בן נר׃

  9. 2 שְׁמוּאֵל ג׳:ל״ח

    ויאמר המלך אל עבדיו הלוא תדעו כי שר וגדול נפל היום הזה בישראל׃

  10. 2 שְׁמוּאֵל ג׳:ל״ט

    ואנכי היום רך ומשוח מלך והאנשים האלה בני צרויה קשים ממני ישלם יהוה לעשה הרעה כרעתו׃

  11. 1 דִּבְרֵי הַיָּמִים כ״ו:כ״ז

    מן המלחמות ומן השלל הקדישו לחזק לבית יהוה׃

  12. 1 דִּבְרֵי הַיָּמִים כ״ו:כ״ח

    וכל ההקדיש שמואל הראה ושאול בן קיש ואבנר בן נר ויואב בן צרויה כל המקדיש על יד שלמית ואחיו׃