Asahel

14 פסוקים · 4 בני משפחה

פסוקים המזכירים את Asahel

  1. 2 שְׁמוּאֵל ב׳:י״ח

    ויהיו שם שלשה בני צרויה יואב ואבישי ועשהאל ועשהאל קל ברגליו כאחד הצבים אשר בשדה׃

  2. 2 שְׁמוּאֵל ב׳:י״ט

    וירדף עשהאל אחרי אבנר ולא נטה ללכת על הימין ועל השמאול מאחרי אבנר׃

  3. 2 שְׁמוּאֵל ב׳:כ׳

    ויפן אבנר אחריו ויאמר האתה זה עשהאל ויאמר אנכי׃

  4. 2 שְׁמוּאֵל ב׳:כ״א

    ויאמר לו אבנר נטה לך על ימינך או על שמאלך ואחז לך אחד מהנערים וקח לך את חלצתו ולא אבה עשהאל לסור מאחריו׃

  5. 2 שְׁמוּאֵל ב׳:כ״ב

    ויסף עוד אבנר לאמר אל עשהאל סור לך מאחרי למה אככה ארצה ואיך אשא פני אל יואב אחיך׃

  6. 2 שְׁמוּאֵל ב׳:כ״ג

    וימאן לסור ויכהו אבנר באחרי החנית אל החמש ותצא החנית מאחריו ויפל שם וימת תחתו ויהי כל הבא אל המקום אשר נפל שם עשהאל וימת ויעמדו׃

  7. 2 שְׁמוּאֵל ב׳:ל׳

    ויואב שב מאחרי אבנר ויקבץ את כל העם ויפקדו מעבדי דוד תשעה עשר איש ועשהאל׃

  8. 2 שְׁמוּאֵל ב׳:ל״ב

    וישאו את עשהאל ויקברהו בקבר אביו אשר בית לחם וילכו כל הלילה יואב ואנשיו ויאר להם בחברון׃

  9. 2 שְׁמוּאֵל ג׳:כ״ז

    וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃

  10. 2 שְׁמוּאֵל ג׳:ל׳

    ויואב ואבישי אחיו הרגו לאבנר על אשר המית את עשהאל אחיהם בגבעון במלחמה׃

  11. 2 שְׁמוּאֵל כ״ג:כ״ד

    עשה אל אחי יואב בשלשים אלחנן בן דדו בית לחם׃

  12. 1 דִּבְרֵי הַיָּמִים ב׳:ט״ז

    ואחיתיהם צרויה ואביגיל ובני צרויה אבשי ויואב ועשה אל שלשה׃

  13. 1 דִּבְרֵי הַיָּמִים י״א:כ״ו

    וגבורי החילים עשה אל אחי יואב אלחנן בן דודו מבית לחם׃

  14. 1 דִּבְרֵי הַיָּמִים כ״ז:ז׳

    הרביעי לחדש הרביעי עשה אל אחי יואב וזבדיה בנו אחריו ועל מחלקתו עשרים וארבעה אלף׃