David

968 פסוקים · 40 בני משפחה

פסוקים המזכירים את David

רוּת ד׳:י״ז
ותקראנה לו השכנות שם לאמר ילד בן לנעמי ותקראנה שמו עובד הוא אבי ישי אבי דוד׃
רוּת ד׳:כ״ב
ועבד הוליד את ישי וישי הוליד את דוד׃
1 שְׁמוּאֵל ט״ז:י״ג
ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה׃
1 שְׁמוּאֵל ט״ז:י״ט
וישלח שאול מלאכים אל ישי ויאמר שלחה אלי את דוד בנך אשר בצאן׃
1 שְׁמוּאֵל ט״ז:כ׳
ויקח ישי חמור לחם ונאד יין וגדי עזים אחד וישלח ביד דוד בנו אל שאול׃
1 שְׁמוּאֵל ט״ז:כ״א
ויבא דוד אל שאול ויעמד לפניו ויאהבהו מאד ויהי לו נשא כלים׃
1 שְׁמוּאֵל ט״ז:כ״ב
וישלח שאול אל ישי לאמר יעמד נא דוד לפני כי מצא חן בעיני׃
1 שְׁמוּאֵל ט״ז:כ״ג
והיה בהיות רוח אלהים אל שאול ולקח דוד את הכנור ונגן בידו ורוח לשאול וטוב לו וסרה מעליו רוח הרעה׃
1 שְׁמוּאֵל י״ז:י״ב
ודוד בן איש אפרתי הזה מבית לחם יהודה ושמו ישי ולו שמנה בנים והאיש בימי שאול זקן בא באנשים׃
1 שְׁמוּאֵל י״ז:י״ד
ודוד הוא הקטן ושלשה הגדלים הלכו אחרי שאול׃
1 שְׁמוּאֵל י״ז:ט״ו
ודוד הלך ושב מעל שאול לרעות את צאן אביו בית לחם׃
1 שְׁמוּאֵל י״ז:י״ז
ויאמר ישי לדוד בנו קח נא לאחיך איפת הקליא הזה ועשרה לחם הזה והרץ המחנה לאחיך׃
1 שְׁמוּאֵל י״ז:כ׳
וישכם דוד בבקר ויטש את הצאן על שמר וישא וילך כאשר צוהו ישי ויבא המעגלה והחיל היצא אל המערכה והרעו במלחמה׃
1 שְׁמוּאֵל י״ז:כ״ב
ויטש דוד את הכלים מעליו על יד שומר הכלים וירץ המערכה ויבא וישאל לאחיו לשלום׃
1 שְׁמוּאֵל י״ז:כ״ג
והוא מדבר עמם והנה איש הבנים עולה גלית הפלשתי שמו מגת ממערות פלשתים וידבר כדברים האלה וישמע דוד׃
1 שְׁמוּאֵל י״ז:כ״ו
ויאמר דוד אל האנשים העמדים עמו לאמר מה יעשה לאיש אשר יכה את הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חיים׃
1 שְׁמוּאֵל י״ז:כ״ח
וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃
1 שְׁמוּאֵל י״ז:כ״ט
ויאמר דוד מה עשיתי עתה הלוא דבר הוא׃
1 שְׁמוּאֵל י״ז:ל״א
וישמעו הדברים אשר דבר דוד ויגדו לפני שאול ויקחהו׃
1 שְׁמוּאֵל י״ז:ל״ב
ויאמר דוד אל שאול אל יפל לב אדם עליו עבדך ילך ונלחם עם הפלשתי הזה׃
1 שְׁמוּאֵל י״ז:ל״ג
ויאמר שאול אל דוד לא תוכל ללכת אל הפלשתי הזה להלחם עמו כי נער אתה והוא איש מלחמה מנעריו׃
1 שְׁמוּאֵל י״ז:ל״ד
ויאמר דוד אל שאול רעה היה עבדך לאביו בצאן ובא הארי ואת הדוב ונשא שה מהעדר׃
1 שְׁמוּאֵל י״ז:ל״ז
ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמך׃
1 שְׁמוּאֵל י״ז:ל״ח
וילבש שאול את דוד מדיו ונתן קובע נחשת על ראשו וילבש אתו שריון׃
1 שְׁמוּאֵל י״ז:ל״ט
ויחגר דוד את חרבו מעל למדיו ויאל ללכת כי לא נסה ויאמר דוד אל שאול לא אוכל ללכת באלה כי לא נסיתי ויסרם דוד מעליו׃

מציג 1–25 מתוך 968 פסוקים

1 2 3...39 הבא