פסוקים על Solomon

301 פסוקים · 46 היבטים

פסוקי מפתח

דְּבָרִים י״ז:ט״ו
שום תשים עליך מלך אשר יבחר יהוה אלהיך בו מקרב אחיך תשים עליך מלך לא תוכל לתת עליך איש נכרי אשר לא אחיך הוא׃
דְּבָרִים י״ז:ט״ז
רק לא ירבה לו סוסים ולא ישיב את העם מצרימה למען הרבות סוס ויהוה אמר לכם לא תספון לשוב בדרך הזה עוד׃
דְּבָרִים י״ז:י״ז
ולא ירבה לו נשים ולא יסור לבבו וכסף וזהב לא ירבה לו מאד׃
2 שְׁמוּאֵל ז׳:י״ב
כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃
2 שְׁמוּאֵל ז׳:י״ג
הוא יבנה בית לשמי וכננתי את כסא ממלכתו עד עולם׃
2 שְׁמוּאֵל ז׳:י״ד
אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃
2 שְׁמוּאֵל ז׳:ט״ו
וחסדי לא יסור ממנו כאשר הסרתי מעם שאול אשר הסרתי מלפניך׃
2 שְׁמוּאֵל ז׳:ט״ז
ונאמן ביתך וממלכתך עד עולם לפניך כסאך יהיה נכון עד עולם׃
2 שְׁמוּאֵל י״ב:כ״ד
וינחם דוד את בת שבע אשתו ויבא אליה וישכב עמה ותלד בן ויקרא את שמו שלמה ויהוה אהבו׃
2 שְׁמוּאֵל י״ב:כ״ה
וישלח ביד נתן הנביא ויקרא את שמו ידידיה בעבור יהוה׃
1 מְלָכִים א׳:י״א
ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידע׃
1 מְלָכִים א׳:י״ב
ועתה לכי איעצך נא עצה ומלטי את נפשך ואת נפש בנך שלמה׃
1 מְלָכִים א׳:י״ג
לכי ובאי אל המלך דוד ואמרת אליו הלא אתה אדני המלך נשבעת לאמתך לאמר כי שלמה בנך ימלך אחרי והוא ישב על כסאי ומדוע מלך אדניהו׃
1 מְלָכִים א׳:י״ד
הנה עודך מדברת שם עם המלך ואני אבוא אחריך ומלאתי את דבריך׃
1 מְלָכִים א׳:ט״ו
ותבא בת שבע אל המלך החדרה והמלך זקן מאד ואבישג השונמית משרת את המלך׃
1 מְלָכִים א׳:ט״ז
ותקד בת שבע ותשתחו למלך ויאמר המלך מה לך׃
1 מְלָכִים א׳:י״ז
ותאמר לו אדני אתה נשבעת ביהוה אלהיך לאמתך כי שלמה בנך ימלך אחרי והוא ישב על כסאי׃
1 מְלָכִים א׳:י״ח
ועתה הנה אדניה מלך ועתה אדני המלך לא ידעת׃
1 מְלָכִים א׳:י״ט
ויזבח שור ומריא וצאן לרב ויקרא לכל בני המלך ולאביתר הכהן וליאב שר הצבא ולשלמה עבדך לא קרא׃
1 מְלָכִים א׳:כ׳
ואתה אדני המלך עיני כל ישראל עליך להגיד להם מי ישב על כסא אדני המלך אחריו׃
1 מְלָכִים א׳:כ״א
והיה כשכב אדני המלך עם אבתיו והייתי אני ובני שלמה חטאים׃
1 מְלָכִים א׳:כ״ב
והנה עודנה מדברת עם המלך ונתן הנביא בא׃
1 מְלָכִים א׳:כ״ג
ויגידו למלך לאמר הנה נתן הנביא ויבא לפני המלך וישתחו למלך על אפיו ארצה׃
1 מְלָכִים א׳:כ״ד
ויאמר נתן אדני המלך אתה אמרת אדניהו ימלך אחרי והוא ישב על כסאי׃
1 מְלָכִים א׳:כ״ה
כי ירד היום ויזבח שור ומריא וצאן לרב ויקרא לכל בני המלך ולשרי הצבא ולאביתר הכהן והנם אכלים ושתים לפניו ויאמרו יחי המלך אדניהו׃

מציג 1–25 מתוך 301 פסוקים

1 2 3...13 הבא