פסוקים על Solomon: Commerce of

21 פסוקים · 46 היבטים

פסוקים על Commerce of

1 מְלָכִים ט׳:כ״ח
ויבאו אופירה ויקחו משם זהב ארבע מאות ועשרים ככר ויבאו אל המלך שלמה׃
1 מְלָכִים י׳:י״א
וגם אני חירם אשר נשא זהב מאופיר הביא מאפיר עצי אלמגים הרבה מאד ואבן יקרה׃
1 מְלָכִים י׳:י״ב
ויעש המלך את עצי האלמגים מסעד לבית יהוה ולבית המלך וכנרות ונבלים לשרים לא בא כן עצי אלמגים ולא נראה עד היום הזה׃
1 מְלָכִים י׳:כ״ב
כי אני תרשיש למלך בים עם אני חירם אחת לשלש שנים תבוא אני תרשיש נשאת זהב וכסף שנהבים וקפים ותכיים׃
1 מְלָכִים י׳:כ״ח
ומוצא הסוסים אשר לשלמה ממצרים ומקוה סחרי המלך יקחו מקוה במחיר׃
1 מְלָכִים י׳:כ״ט
ותעלה ותצא מרכבה ממצרים בשש מאות כסף וסוס בחמשים ומאה וכן לכל מלכי החתים ולמלכי ארם בידם יצאו׃
2 דִּבְרֵי הַיָּמִים א׳:ט״ז
ומוצא הסוסים אשר לשלמה ממצרים ומקוא סחרי המלך מקוא יקחו במחיר׃
2 דִּבְרֵי הַיָּמִים א׳:י״ז
ויעלו ויוציאו ממצרים מרכבה בשש מאות כסף וסוס בחמשים ומאה וכן לכל מלכי החתים ומלכי ארם בידם יוציאו׃
2 דִּבְרֵי הַיָּמִים ח׳:י״ז
אז הלך שלמה לעציון גבר ואל אילות על שפת הים בארץ אדום׃
2 דִּבְרֵי הַיָּמִים ח׳:י״ח
וישלח לו חורם ביד עבדיו אוניות ועבדים יודעי ים ויבאו עם עבדי שלמה אופירה ויקחו משם ארבע מאות וחמשים ככר זהב ויביאו אל המלך שלמה׃
2 דִּבְרֵי הַיָּמִים ט׳:י״ג
ויהי משקל הזהב אשר בא לשלמה בשנה אחת שש מאות וששים ושש ככרי זהב׃
2 דִּבְרֵי הַיָּמִים ט׳:י״ד
לבד מאנשי התרים והסחרים מביאים וכל מלכי ערב ופחות הארץ מביאים זהב וכסף לשלמה׃
2 דִּבְרֵי הַיָּמִים ט׳:ט״ו
ויעש המלך שלמה מאתים צנה זהב שחוט שש מאות זהב שחוט יעלה על הצנה האחת׃
2 דִּבְרֵי הַיָּמִים ט׳:ט״ז
ושלש מאות מגנים זהב שחוט שלש מאות זהב יעלה על המגן האחת ויתנם המלך בבית יער הלבנון׃
2 דִּבְרֵי הַיָּמִים ט׳:י״ז
ויעש המלך כסא שן גדול ויצפהו זהב טהור׃
2 דִּבְרֵי הַיָּמִים ט׳:י״ח
ושש מעלות לכסא וכבש בזהב לכסא מאחזים וידות מזה ומזה על מקום השבת ושנים אריות עמדים אצל הידות׃
2 דִּבְרֵי הַיָּמִים ט׳:י״ט
ושנים עשר אריות עמדים שם על שש המעלות מזה ומזה לא נעשה כן לכל ממלכה׃
2 דִּבְרֵי הַיָּמִים ט׳:כ׳
וכל כלי משקה המלך שלמה זהב וכל כלי בית יער הלבנון זהב סגור אין כסף נחשב בימי שלמה למאומה׃
2 דִּבְרֵי הַיָּמִים ט׳:כ״א
כי אניות למלך הלכות תרשיש עם עבדי חורם אחת לשלוש שנים תבואנה אניות תרשיש נשאות זהב וכסף שנהבים וקופים ותוכיים׃
2 דִּבְרֵי הַיָּמִים ט׳:כ״ב
ויגדל המלך שלמה מכל מלכי הארץ לעשר וחכמה׃
2 דִּבְרֵי הַיָּמִים ט׳:כ״ח
ומוציאים סוסים ממצרים לשלמה ומכל הארצות׃