פסוקים על Solomon: Cedes certain cities to Hiram

ויהי מקצה עשרים שנה אשר בנה שלמה את שני הבתים את בית יהוה ואת בית המלך׃

חירם מלך צר נשא את שלמה בעצי ארזים ובעצי ברושים ובזהב לכל חפצו אז יתן המלך שלמה לחירם עשרים עיר בארץ הגליל׃

ויצא חירם מצר לראות את הערים אשר נתן לו שלמה ולא ישרו בעיניו׃

ויאמר מה הערים האלה אשר נתתה לי אחי ויקרא להם ארץ כבול עד היום הזה׃

והערים אשר נתן חורם לשלמה בנה שלמה אתם ויושב שם את בני ישראל׃