פסוקים על Solomon: Prophecies concerning

17 פסוקים · 46 היבטים

פסוקים על Prophecies concerning

  1. 2 שְׁמוּאֵל ז׳:י״ב

    כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃

  2. 2 שְׁמוּאֵל ז׳:י״ג

    הוא יבנה בית לשמי וכננתי את כסא ממלכתו עד עולם׃

  3. 2 שְׁמוּאֵל ז׳:י״ד

    אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃

  4. 2 שְׁמוּאֵל ז׳:ט״ו

    וחסדי לא יסור ממנו כאשר הסרתי מעם שאול אשר הסרתי מלפניך׃

  5. 2 שְׁמוּאֵל ז׳:ט״ז

    ונאמן ביתך וממלכתך עד עולם לפניך כסאך יהיה נכון עד עולם׃

  6. 1 מְלָכִים י״א:ט׳

    ויתאנף יהוה בשלמה כי נטה לבבו מעם יהוה אלהי ישראל הנראה אליו פעמים׃

  7. 1 מְלָכִים י״א:י׳

    וצוה אליו על הדבר הזה לבלתי לכת אחרי אלהים אחרים ולא שמר את אשר צוה יהוה׃

  8. 1 מְלָכִים י״א:י״א

    ויאמר יהוה לשלמה יען אשר היתה זאת עמך ולא שמרת בריתי וחקתי אשר צויתי עליך קרע אקרע את הממלכה מעליך ונתתיה לעבדך׃

  9. 1 מְלָכִים י״א:י״ב

    אך בימיך לא אעשנה למען דוד אביך מיד בנך אקרענה׃

  10. 1 מְלָכִים י״א:י״ג

    רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתי׃

  11. 1 דִּבְרֵי הַיָּמִים י״ז:י״א

    והיה כי מלאו ימיך ללכת עם אבתיך והקימותי את זרעך אחריך אשר יהיה מבניך והכינותי את מלכותו׃

  12. 1 דִּבְרֵי הַיָּמִים י״ז:י״ב

    הוא יבנה לי בית וכננתי את כסאו עד עולם׃

  13. 1 דִּבְרֵי הַיָּמִים י״ז:י״ג

    אני אהיה לו לאב והוא יהיה לי לבן וחסדי לא אסיר מעמו כאשר הסירותי מאשר היה לפניך׃

  14. 1 דִּבְרֵי הַיָּמִים י״ז:י״ד

    והעמדתיהו בביתי ובמלכותי עד העולם וכסאו יהיה נכון עד עולם׃

  15. 1 דִּבְרֵי הַיָּמִים כ״ח:ו׳

    ויאמר לי שלמה בנך הוא יבנה ביתי וחצרותי כי בחרתי בו לי לבן ואני אהיה לו לאב׃

  16. 1 דִּבְרֵי הַיָּמִים כ״ח:ז׳

    והכינותי את מלכותו עד לעולם אם יחזק לעשות מצותי ומשפטי כיום הזה׃

  17. תְהִלִּים קל״ב:י״א

    נשבע יהוה לדוד אמת לא ישוב ממנה מפרי בטנך אשית לכסא לך׃