Nathan

30 פסוקים · 2 בני משפחה

פסוקים המזכירים את Nathan

סינון לפי ספר
  1. 2 שְׁמוּאֵל ז׳:ב׳

    ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעה׃

  2. 2 שְׁמוּאֵל ז׳:ג׳

    ויאמר נתן אל המלך כל אשר בלבבך לך עשה כי יהוה עמך׃

  3. 2 שְׁמוּאֵל ז׳:ד׳

    ויהי בלילה ההוא ויהי דבר יהוה אל נתן לאמר׃

  4. 2 שְׁמוּאֵל ז׳:י״ז

    ככל הדברים האלה וככל החזיון הזה כן דבר נתן אל דוד׃

  5. 2 שְׁמוּאֵל י״ב:א׳

    ¶ וישלח יהוה את נתן אל דוד ויבא אליו ויאמר לו שני אנשים היו בעיר אחת אחד עשיר ואחד ראש׃

  6. 2 שְׁמוּאֵל י״ב:ה׳

    ויחר אף דוד באיש מאד ויאמר אל נתן חי יהוה כי בן מות האיש העשה זאת׃

  7. 2 שְׁמוּאֵל י״ב:ז׳

    ויאמר נתן אל דוד אתה האיש כה אמר יהוה אלהי ישראל אנכי משחתיך למלך על ישראל ואנכי הצלתיך מיד שאול׃

  8. 2 שְׁמוּאֵל י״ב:י״ג

    ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃

  9. 2 שְׁמוּאֵל י״ב:ט״ו

    וילך נתן אל ביתו ויגף יהוה את הילד אשר ילדה אשת אוריה לדוד ויאנש׃

  10. 2 שְׁמוּאֵל י״ב:כ״ה

    וישלח ביד נתן הנביא ויקרא את שמו ידידיה בעבור יהוה׃

  11. 1 מְלָכִים א׳:ח׳

    וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד לא היו עם אדניהו׃

  12. 1 מְלָכִים א׳:י׳

    ואת נתן הנביא ובניהו ואת הגבורים ואת שלמה אחיו לא קרא׃

  13. 1 מְלָכִים א׳:י״א

    ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידע׃

  14. 1 מְלָכִים א׳:כ״ב

    והנה עודנה מדברת עם המלך ונתן הנביא בא׃

  15. 1 מְלָכִים א׳:כ״ג

    ויגידו למלך לאמר הנה נתן הנביא ויבא לפני המלך וישתחו למלך על אפיו ארצה׃

  16. 1 מְלָכִים א׳:כ״ד

    ויאמר נתן אדני המלך אתה אמרת אדניהו ימלך אחרי והוא ישב על כסאי׃

  17. 1 מְלָכִים א׳:ל״ב

    ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלך׃

  18. 1 מְלָכִים א׳:ל״ד

    ומשח אתו שם צדוק הכהן ונתן הנביא למלך על ישראל ותקעתם בשופר ואמרתם יחי המלך שלמה׃

  19. 1 מְלָכִים א׳:ל״ח

    וירד צדוק הכהן ונתן הנביא ובניהו בן יהוידע והכרתי והפלתי וירכבו את שלמה על פרדת המלך דוד וילכו אתו על גחון׃

  20. 1 מְלָכִים א׳:מ״ד

    וישלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך׃

  21. 1 מְלָכִים א׳:מ״ה

    וימשחו אתו צדוק הכהן ונתן הנביא למלך בגחון ויעלו משם שמחים ותהם הקריה הוא הקול אשר שמעתם׃

  22. 1 מְלָכִים ד׳:ה׳

    ועזריהו בן נתן על הנצבים וזבוד בן נתן כהן רעה המלך׃

  23. 1 דִּבְרֵי הַיָּמִים י״ז:א׳

    ¶ ויהי כאשר ישב דויד בביתו ויאמר דויד אל נתן הנביא הנה אנכי יושב בבית הארזים וארון ברית יהוה תחת יריעות׃

  24. 1 דִּבְרֵי הַיָּמִים י״ז:ב׳

    ויאמר נתן אל דויד כל אשר בלבבך עשה כי האלהים עמך׃

  25. 1 דִּבְרֵי הַיָּמִים י״ז:ג׳

    ויהי בלילה ההוא ויהי דבר אלהים אל נתן לאמר׃