פסוקים על Parables

452 פסוקים · 74 היבטים

פסוקי מפתח

שֹׁפְטִים ט׳:ח׳
הלוך הלכו העצים למשח עליהם מלך ויאמרו לזית מלוכה עלינו׃
שֹׁפְטִים ט׳:ט׳
ויאמר להם הזית החדלתי את דשני אשר בי יכבדו אלהים ואנשים והלכתי לנוע על העצים׃
שֹׁפְטִים ט׳:י׳
ויאמרו העצים לתאנה לכי את מלכי עלינו׃
שֹׁפְטִים ט׳:י״א
ותאמר להם התאנה החדלתי את מתקי ואת תנובתי הטובה והלכתי לנוע על העצים׃
שֹׁפְטִים ט׳:י״ב
ויאמרו העצים לגפן לכי את מלוכי עלינו׃
שֹׁפְטִים ט׳:י״ג
ותאמר להם הגפן החדלתי את תירושי המשמח אלהים ואנשים והלכתי לנוע על העצים׃
שֹׁפְטִים ט׳:י״ד
ויאמרו כל העצים אל האטד לך אתה מלך עלינו׃
שֹׁפְטִים ט׳:ט״ו
ויאמר האטד אל העצים אם באמת אתם משחים אתי למלך עליכם באו חסו בצלי ואם אין תצא אש מן האטד ותאכל את ארזי הלבנון׃
2 שְׁמוּאֵל י״ב:א׳
¶ וישלח יהוה את נתן אל דוד ויבא אליו ויאמר לו שני אנשים היו בעיר אחת אחד עשיר ואחד ראש׃
2 שְׁמוּאֵל י״ב:ב׳
לעשיר היה צאן ובקר הרבה מאד׃
2 שְׁמוּאֵל י״ב:ג׳
ולרש אין כל כי אם כבשה אחת קטנה אשר קנה ויחיה ותגדל עמו ועם בניו יחדו מפתו תאכל ומכסו תשתה ובחיקו תשכב ותהי לו כבת׃
2 שְׁמוּאֵל י״ב:ד׳
ויבא הלך לאיש העשיר ויחמל לקחת מצאנו ומבקרו לעשות לארח הבא לו ויקח את כבשת האיש הראש ויעשה לאיש הבא אליו׃
2 שְׁמוּאֵל י״ב:ה׳
ויחר אף דוד באיש מאד ויאמר אל נתן חי יהוה כי בן מות האיש העשה זאת׃
2 שְׁמוּאֵל י״ב:ו׳
ואת הכבשה ישלם ארבעתים עקב אשר עשה את הדבר הזה ועל אשר לא חמל׃
2 שְׁמוּאֵל י״ד:ה׳
ויאמר לה המלך מה לך ותאמר אבל אשה אלמנה אני וימת אישי׃
2 שְׁמוּאֵל י״ד:ו׳
ולשפחתך שני בנים וינצו שניהם בשדה ואין מציל ביניהם ויכו האחד את האחד וימת אתו׃
2 שְׁמוּאֵל י״ד:ז׳
והנה קמה כל המשפחה על שפחתך ויאמרו תני את מכה אחיו ונמתהו בנפש אחיו אשר הרג ונשמידה גם את היורש וכבו את גחלתי אשר נשארה לבלתי שום לאישי שם ושארית על פני האדמה׃
2 שְׁמוּאֵל י״ד:ח׳
ויאמר המלך אל האשה לכי לביתך ואני אצוה עליך׃
2 שְׁמוּאֵל י״ד:ט׳
ותאמר האשה התקועית אל המלך עלי אדני המלך העון ועל בית אבי והמלך וכסאו נקי׃
2 שְׁמוּאֵל י״ד:י׳
ויאמר המלך המדבר אליך והבאתו אלי ולא יסיף עוד לגעת בך׃
2 שְׁמוּאֵל י״ד:י״א
ותאמר יזכר נא המלך את יהוה אלהיך מהרבית גאל הדם לשחת ולא ישמידו את בני ויאמר חי יהוה אם יפל משערת בנך ארצה׃
2 שְׁמוּאֵל י״ד:י״ב
ותאמר האשה תדבר נא שפחתך אל אדני המלך דבר ויאמר דברי׃
1 מְלָכִים י״א:ל׳
ויתפש אחיה בשלמה החדשה אשר עליו ויקרעה שנים עשר קרעים׃
1 מְלָכִים י״א:ל״א
ויאמר לירבעם קח לך עשרה קרעים כי כה אמר יהוה אלהי ישראל הנני קרע את הממלכה מיד שלמה ונתתי לך את עשרה השבטים׃
1 מְלָכִים י״א:ל״ב
והשבט האחד יהיה לו למען עבדי דוד ולמען ירושלם העיר אשר בחרתי בה מכל שבטי ישראל׃

מציג 1–25 מתוך 452 פסוקים

1 2 3...19 הבא