פסוקים על Parables

452 פסוקים · 74 היבטים

פסוקי מפתח

סינון לפי ספר
  1. יְשַׁעְיָהוּ כ״ח:כ״ה

    הלוא אם שוה פניה והפיץ קצח וכמן יזרק ושם חטה שורה ושערה נסמן וכסמת גבלתו׃

  2. יְשַׁעְיָהוּ כ״ח:כ״ו

    ויסרו למשפט אלהיו יורנו׃

  3. יְשַׁעְיָהוּ כ״ח:כ״ז

    כי לא בחרוץ יודש קצח ואופן עגלה על כמן יוסב כי במטה יחבט קצח וכמן בשבט׃

  4. יְשַׁעְיָהוּ כ״ח:כ״ח

    לחם יודק כי לא לנצח אדוש ידושנו והמם גלגל עגלתו ופרשיו לא ידקנו׃

  5. יְשַׁעְיָהוּ כ״ח:כ״ט

    גם זאת מעם יהוה צבאות יצאה הפליא עצה הגדיל תושיה׃

  6. יִרְמְיָהוּ י״ג:י״ב

    ואמרת אליהם את הדבר הזה כה אמר יהוה אלהי ישראל כל נבל ימלא יין ואמרו אליך הידע לא נדע כי כל נבל ימלא יין׃

  7. יִרְמְיָהוּ י״ג:י״ג

    ואמרת אליהם כה אמר יהוה הנני ממלא את כל ישבי הארץ הזאת ואת המלכים הישבים לדוד על כסאו ואת הכהנים ואת הנביאים ואת כל ישבי ירושלם שכרון׃

  8. יִרְמְיָהוּ י״ג:י״ד

    ונפצתים איש אל אחיו והאבות והבנים יחדו נאם יהוה לא אחמול ולא אחוס ולא ארחם מהשחיתם׃

  9. יְחֶזְקֵאל ט״ו:א׳

    ¶ ויהי דבר יהוה אלי לאמר׃

  10. יְחֶזְקֵאל ט״ו:ב׳

    בן אדם מה יהיה עץ הגפן מכל עץ הזמורה אשר היה בעצי היער׃

  11. יְחֶזְקֵאל ט״ו:ג׳

    היקח ממנו עץ לעשות למלאכה אם יקחו ממנו יתד לתלות עליו כל כלי׃

  12. יְחֶזְקֵאל ט״ו:ד׳

    הנה לאש נתן לאכלה את שני קצותיו אכלה האש ותוכו נחר היצלח למלאכה׃

  13. יְחֶזְקֵאל ט״ו:ה׳

    הנה בהיותו תמים לא יעשה למלאכה אף כי אש אכלתהו ויחר ונעשה עוד למלאכה׃

  14. יְחֶזְקֵאל ט״ו:ו׳

    לכן כה אמר אדני יהוה כאשר עץ הגפן בעץ היער אשר נתתיו לאש לאכלה כן נתתי את ישבי ירושלם׃

  15. יְחֶזְקֵאל ט״ו:ז׳

    ונתתי את פני בהם מהאש יצאו והאש תאכלם וידעתם כי אני יהוה בשומי את פני בהם׃

  16. יְחֶזְקֵאל ט״ו:ח׳

    ונתתי את הארץ שממה יען מעלו מעל נאם אדני יהוה׃

  17. יְחֶזְקֵאל י״ז:ה׳

    ויקח מזרע הארץ ויתנהו בשדה זרע קח על מים רבים צפצפה שמו׃

  18. יְחֶזְקֵאל י״ז:ו׳

    ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן ותעש בדים ותשלח פארות׃

  19. יְחֶזְקֵאל י״ז:ז׳

    ויהי נשר אחד גדול גדול כנפים ורב נוצה והנה הגפן הזאת כפנה שרשיה עליו ודליותיו שלחה לו להשקות אותה מערגות מטעה׃

  20. יְחֶזְקֵאל י״ז:ח׳

    אל שדה טוב אל מים רבים היא שתולה לעשות ענף ולשאת פרי להיות לגפן אדרת׃

  21. יְחֶזְקֵאל י״ז:ט׳

    אמר כה אמר אדני יהוה תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה׃

  22. יְחֶזְקֵאל י״ז:י׳

    והנה שתולה התצלח הלוא כגעת בה רוח הקדים תיבש יבש על ערגת צמחה תיבש׃

  23. יְחֶזְקֵאל י״ט:א׳

    ¶ ואתה שא קינה אל נשיאי ישראל׃

  24. יְחֶזְקֵאל י״ט:ב׳

    ואמרת מה אמך לביא בין אריות רבצה בתוך כפרים רבתה גוריה׃

  25. יְחֶזְקֵאל י״ט:ג׳

    ותעל אחד מגריה כפיר היה וילמד לטרף טרף אדם אכל׃