פסוקים על Parables: Unmerciful servant

13 פסוקים · 74 היבטים

פסוקים על Unmerciful servant

  1. מתיו י״ח:כ״ג

    על כן דומה מלכות השמים למלך בשר ודם אשר חפץ לעשות חשבון עם עבדיו׃

  2. מתיו י״ח:כ״ד

    וכאשר החל לחשב הובא לפניו איש אשר חיב לו עשרת אלפים ככרי כסף׃

  3. מתיו י״ח:כ״ה

    ולא היה לו לשלם ויצו אדניו למכר אותו ואת אשתו ואת בניו ואת כל אשר לו וכן ישלם׃

  4. מתיו י״ח:כ״ו

    ויפל העבד וישתחו לו לאמר אדני הארך לי אפך ואת כל אשלמה לך׃

  5. מתיו י״ח:כ״ז

    ויהמו רחמי אדוני העבד ההוא ויפטרהו וישמט לו את החוב׃

  6. מתיו י״ח:כ״ח

    ויצא העבד ההוא מלפניו וימצא אחד מחבריו העבדים והוא חיב לו מאה דינרים ויחזק בו ויחנקהו לאמר שלם את אשר אתה חיב לי׃

  7. מתיו י״ח:כ״ט

    ויפל חברו לפני רגליו ויבקש ממנו לאמר הארך לי אפך ואשלמה לך הכל׃

  8. מתיו י״ח:ל׳

    והוא מאן וילך וישליכהו במשמר עד כי ישלם לו את חובו׃

  9. מתיו י״ח:ל״א

    וחבריו העבדים ראו את הנעשה ויעצבו מאד ויבאו ויגידו לאדניהם את כל אשר נעשה׃

  10. מתיו י״ח:ל״ב

    ויקרא אליו אדניו ויאמר לו אתה העבד הרע את כל החוב ההוא השמטתי לך יען אשר בקשת ממני׃

  11. מתיו י״ח:ל״ג

    הלא היה לך גם אתה לרחם על העבד חברך כאשר רחמתי אני עליך׃

  12. מתיו י״ח:ל״ד

    ויקצף אדניו ויסגר אותו למיסרים עד כי ישלם את כל חובו׃

  13. מתיו י״ח:ל״ה

    ככה יעשה לכם גם אבי שבשמים אם לא תסלחו איש איש לאחיו בכל לבבכם את חטאתם׃