פסוקים על Parables: Tares

15 פסוקים · 74 היבטים

פסוקים על Tares

מתיו י״ג:כ״ד
וישם לפניהם משל אחר לאמר מלכות השמים דומה לאיש אשר זרע זרע טוב בשדהו׃
מתיו י״ג:כ״ה
ויהי בנפל תרדמה על האנשים ויבא איבו ויזרע זונין בתוך החטים וילך לו׃
מתיו י״ג:כ״ו
וכאשר פרח הדשא ויעש פרי ויראו גם הזונין׃
מתיו י״ג:כ״ז
ויגשו עבדי בעל הבית ויאמרו אליו אדנינו הלא זרע טוב זרעת בשדך ומאין לו הזונין׃
מתיו י״ג:כ״ח
ויאמר להם איש איב עשה זאת ויאמרו אליו העבדים היש את נפשך כי נלך ונלקט אתם׃
מתיו י״ג:כ״ט
ויאמר לא פן בלקטכם את הזונין תשרשו גם את החטים׃
מתיו י״ג:ל׳
הניחו אתם ויגדלו שניהם יחד עד הקציר והיה בעת הקציר אמר לקוצרים לקטו בראשונה את הזונין ואגדו אתם אגדות לשרפם ואת החטים אספו לאוצרי׃
מתיו י״ג:ל״ו
אז שלח ישוע את המון העם ויבא הביתה ויגשו אליו תלמידיו ויאמרו באר נא לנו את משל זוני השדה׃
מתיו י״ג:ל״ז
ויען ויאמר אליהם הזורע את הזרע הטוב הוא בן האדם׃
מתיו י״ג:ל״ח
והשדה הוא העולם והזרע הטוב בני המלכות הם והזונין בני הרע המה׃
מתיו י״ג:ל״ט
והאיב אשר זרעם הוא השטן והקציר הוא קץ העולם והקצרים הם המלאכים׃
מתיו י״ג:מ׳
והנה כאשר ילקטו הזונין ונשרפו באש כן יהיה בקץ העולם הזה׃
מתיו י״ג:מ״א
בן האדם ישלח את מלאכיו ולקטו ממלכותו את כל המכשלות ואת כל פעלי האון׃
מתיו י״ג:מ״ב
והשליכו אתם אל תנור האש שם תהיה היללה וחרק השנים׃
מתיו י״ג:מ״ג
אז יזהירו הצדיקים כשמש במלכות אביהם מי אשר אזנים לו לשמע ישמע׃