David

968 פסוקים · 40 בני משפחה

פסוקים המזכירים את David

סינון לפי ספר
  1. 1 שְׁמוּאֵל י״ז:מ״א

    וילך הפלשתי הלך וקרב אל דוד והאיש נשא הצנה לפניו׃

  2. 1 שְׁמוּאֵל י״ז:מ״ב

    ויבט הפלשתי ויראה את דוד ויבזהו כי היה נער ואדמני עם יפה מראה׃

  3. 1 שְׁמוּאֵל י״ז:מ״ג

    ויאמר הפלשתי אל דוד הכלב אנכי כי אתה בא אלי במקלות ויקלל הפלשתי את דוד באלהיו׃

  4. 1 שְׁמוּאֵל י״ז:מ״ד

    ויאמר הפלשתי אל דוד לכה אלי ואתנה את בשרך לעוף השמים ולבהמת השדה׃

  5. 1 שְׁמוּאֵל י״ז:מ״ה

    ויאמר דוד אל הפלשתי אתה בא אלי בחרב ובחנית ובכידון ואנכי בא אליך בשם יהוה צבאות אלהי מערכות ישראל אשר חרפת׃

  6. 1 שְׁמוּאֵל י״ז:מ״ח

    והיה כי קם הפלשתי וילך ויקרב לקראת דוד וימהר דוד וירץ המערכה לקראת הפלשתי׃

  7. 1 שְׁמוּאֵל י״ז:מ״ט

    וישלח דוד את ידו אל הכלי ויקח משם אבן ויקלע ויך את הפלשתי אל מצחו ותטבע האבן במצחו ויפל על פניו ארצה׃

  8. 1 שְׁמוּאֵל י״ז:נ׳

    ויחזק דוד מן הפלשתי בקלע ובאבן ויך את הפלשתי וימיתהו וחרב אין ביד דוד׃

  9. 1 שְׁמוּאֵל י״ז:נ״א

    וירץ דוד ויעמד אל הפלשתי ויקח את חרבו וישלפה מתערה וימתתהו ויכרת בה את ראשו ויראו הפלשתים כי מת גבורם וינסו׃

  10. 1 שְׁמוּאֵל י״ז:נ״ד

    ויקח דוד את ראש הפלשתי ויבאהו ירושלם ואת כליו שם באהלו׃

  11. 1 שְׁמוּאֵל י״ז:נ״ה

    וכראות שאול את דוד יצא לקראת הפלשתי אמר אל אבנר שר הצבא בן מי זה הנער אבנר ויאמר אבנר חי נפשך המלך אם ידעתי׃

  12. 1 שְׁמוּאֵל י״ז:נ״ז

    וכשוב דוד מהכות את הפלשתי ויקח אתו אבנר ויבאהו לפני שאול וראש הפלשתי בידו׃

  13. 1 שְׁמוּאֵל י״ז:נ״ח

    ויאמר אליו שאול בן מי אתה הנער ויאמר דוד בן עבדך ישי בית הלחמי׃

  14. 1 שְׁמוּאֵל י״ח:א׳

    ¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃

  15. 1 שְׁמוּאֵל י״ח:ג׳

    ויכרת יהונתן ודוד ברית באהבתו אתו כנפשו׃

  16. 1 שְׁמוּאֵל י״ח:ד׳

    ויתפשט יהונתן את המעיל אשר עליו ויתנהו לדוד ומדיו ועד חרבו ועד קשתו ועד חגרו׃

  17. 1 שְׁמוּאֵל י״ח:ה׳

    ויצא דוד בכל אשר ישלחנו שאול ישכיל וישמהו שאול על אנשי המלחמה וייטב בעיני כל העם וגם בעיני עבדי שאול׃

  18. 1 שְׁמוּאֵל י״ח:ו׳

    ויהי בבואם בשוב דוד מהכות את הפלשתי ותצאנה הנשים מכל ערי ישראל לשור והמחלות לקראת שאול המלך בתפים בשמחה ובשלשים׃

  19. 1 שְׁמוּאֵל י״ח:ז׳

    ותענינה הנשים המשחקות ותאמרן הכה שאול באלפו ודוד ברבבתיו׃

  20. 1 שְׁמוּאֵל י״ח:ח׳

    ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה׃

  21. 1 שְׁמוּאֵל י״ח:ט׳

    ויהי שאול עון את דוד מהיום ההוא והלאה׃

  22. 1 שְׁמוּאֵל י״ח:י׳

    ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאול׃

  23. 1 שְׁמוּאֵל י״ח:י״א

    ויטל שאול את החנית ויאמר אכה בדוד ובקיר ויסב דוד מפניו פעמים׃

  24. 1 שְׁמוּאֵל י״ח:י״ב

    וירא שאול מלפני דוד כי היה יהוה עמו ומעם שאול סר׃

  25. 1 שְׁמוּאֵל י״ח:י״ד

    ויהי דוד לכל דרכו משכיל ויהוה עמו׃