Abigail

14 פסוקים · 3 בני משפחה

פסוקים המזכירים את Abigail

  1. 1 שְׁמוּאֵל כ״ה:ג׳

    ושם האיש נבל ושם אשתו אבגיל והאשה טובת שכל ויפת תאר והאיש קשה ורע מעללים והוא כלבו׃

  2. 1 שְׁמוּאֵל כ״ה:י״ד

    ולאביגיל אשת נבל הגיד נער אחד מהנערים לאמר הנה שלח דוד מלאכים מהמדבר לברך את אדנינו ויעט בהם׃

  3. 1 שְׁמוּאֵל כ״ה:י״ח

    ותמהר אבוגיל ותקח מאתים לחם ושנים נבלי יין וחמש צאן עשוות וחמש סאים קלי ומאה צמקים ומאתים דבלים ותשם על החמרים׃

  4. 1 שְׁמוּאֵל כ״ה:כ״ג

    ותרא אביגיל את דוד ותמהר ותרד מעל החמור ותפל לאפי דוד על פניה ותשתחו ארץ׃

  5. 1 שְׁמוּאֵל כ״ה:ל״ב

    ויאמר דוד לאביגל ברוך יהוה אלהי ישראל אשר שלחך היום הזה לקראתי׃

  6. 1 שְׁמוּאֵל כ״ה:ל״ו

    ותבא אביגיל אל נבל והנה לו משתה בביתו כמשתה המלך ולב נבל טוב עליו והוא שכר עד מאד ולא הגידה לו דבר קטן וגדול עד אור הבקר׃

  7. 1 שְׁמוּאֵל כ״ה:ל״ט

    וישמע דוד כי מת נבל ויאמר ברוך יהוה אשר רב את ריב חרפתי מיד נבל ואת עבדו חשך מרעה ואת רעת נבל השיב יהוה בראשו וישלח דוד וידבר באביגיל לקחתה לו לאשה׃

  8. 1 שְׁמוּאֵל כ״ה:מ׳

    ויבאו עבדי דוד אל אביגיל הכרמלה וידברו אליה לאמר דוד שלחנו אליך לקחתך לו לאשה׃

  9. 1 שְׁמוּאֵל כ״ה:מ״ב

    ותמהר ותקם אביגיל ותרכב על החמור וחמש נערתיה ההלכות לרגלה ותלך אחרי מלאכי דוד ותהי לו לאשה׃

  10. 1 שְׁמוּאֵל כ״ז:ג׳

    וישב דוד עם אכיש בגת הוא ואנשיו איש וביתו דוד ושתי נשיו אחינעם היזרעאלית ואביגיל אשת נבל הכרמלית׃

  11. 1 שְׁמוּאֵל ל׳:ה׳

    ושתי נשי דוד נשבו אחינעם היזרעלית ואביגיל אשת נבל הכרמלי׃

  12. 2 שְׁמוּאֵל ב׳:ב׳

    ויעל שם דוד וגם שתי נשיו אחינעם היזרעלית ואביגיל אשת נבל הכרמלי׃

  13. 2 שְׁמוּאֵל ג׳:ג׳

    ומשנהו כלאב לאביגל אשת נבל הכרמלי והשלשי אבשלום בן מעכה בת תלמי מלך גשור׃

  14. 1 דִּבְרֵי הַיָּמִים ג׳:א׳

    ¶ ואלה היו בני דויד אשר נולד לו בחברון הבכור אמנן לאחינעם היזרעאלית שני דניאל לאביגיל הכרמלית׃