פסוקים על Absalom

65 פסוקים · 10 היבטים

פסוקי מפתח

2 שְׁמוּאֵל ג׳:ג׳
ומשנהו כלאב לאביגל אשת נבל הכרמלי והשלשי אבשלום בן מעכה בת תלמי מלך גשור׃
2 שְׁמוּאֵל י״ג:כ״ב
ולא דבר אבשלום עם אמנון למרע ועד טוב כי שנא אבשלום את אמנון על דבר אשר ענה את תמר אחתו׃
2 שְׁמוּאֵל י״ג:כ״ג
ויהי לשנתים ימים ויהיו גזזים לאבשלום בבעל חצור אשר עם אפרים ויקרא אבשלום לכל בני המלך׃
2 שְׁמוּאֵל י״ג:כ״ד
ויבא אבשלום אל המלך ויאמר הנה נא גזזים לעבדך ילך נא המלך ועבדיו עם עבדך׃
2 שְׁמוּאֵל י״ג:כ״ה
ויאמר המלך אל אבשלום אל בני אל נא נלך כלנו ולא נכבד עליך ויפרץ בו ולא אבה ללכת ויברכהו׃
2 שְׁמוּאֵל י״ג:כ״ו
ויאמר אבשלום ולא ילך נא אתנו אמנון אחי ויאמר לו המלך למה ילך עמך׃
2 שְׁמוּאֵל י״ג:כ״ז
ויפרץ בו אבשלום וישלח אתו את אמנון ואת כל בני המלך׃
2 שְׁמוּאֵל י״ג:כ״ח
ויצו אבשלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃
2 שְׁמוּאֵל י״ג:כ״ט
ויעשו נערי אבשלום לאמנון כאשר צוה אבשלום ויקמו כל בני המלך וירכבו איש על פרדו וינסו׃
2 שְׁמוּאֵל י״ג:ל״ז
ואבשלום ברח וילך אל תלמי בן עמיחור מלך גשור ויתאבל על בנו כל הימים׃
2 שְׁמוּאֵל י״ג:ל״ח
ואבשלום ברח וילך גשור ויהי שם שלש שנים׃
2 שְׁמוּאֵל י״ד:א׳
¶ וידע יואב בן צריה כי לב המלך על אבשלום׃
2 שְׁמוּאֵל י״ד:ב׳
וישלח יואב תקועה ויקח משם אשה חכמה ויאמר אליה התאבלי נא ולבשי נא בגדי אבל ואל תסוכי שמן והיית כאשה זה ימים רבים מתאבלת על מת׃
2 שְׁמוּאֵל י״ד:ג׳
ובאת אל המלך ודברת אליו כדבר הזה וישם יואב את הדברים בפיה׃
2 שְׁמוּאֵל י״ד:ד׳
ותאמר האשה התקעית אל המלך ותפל על אפיה ארצה ותשתחו ותאמר הושעה המלך׃
2 שְׁמוּאֵל י״ד:ה׳
ויאמר לה המלך מה לך ותאמר אבל אשה אלמנה אני וימת אישי׃
2 שְׁמוּאֵל י״ד:ו׳
ולשפחתך שני בנים וינצו שניהם בשדה ואין מציל ביניהם ויכו האחד את האחד וימת אתו׃
2 שְׁמוּאֵל י״ד:ז׳
והנה קמה כל המשפחה על שפחתך ויאמרו תני את מכה אחיו ונמתהו בנפש אחיו אשר הרג ונשמידה גם את היורש וכבו את גחלתי אשר נשארה לבלתי שום לאישי שם ושארית על פני האדמה׃
2 שְׁמוּאֵל י״ד:ח׳
ויאמר המלך אל האשה לכי לביתך ואני אצוה עליך׃
2 שְׁמוּאֵל י״ד:ט׳
ותאמר האשה התקועית אל המלך עלי אדני המלך העון ועל בית אבי והמלך וכסאו נקי׃
2 שְׁמוּאֵל י״ד:י׳
ויאמר המלך המדבר אליך והבאתו אלי ולא יסיף עוד לגעת בך׃
2 שְׁמוּאֵל י״ד:י״א
ותאמר יזכר נא המלך את יהוה אלהיך מהרבית גאל הדם לשחת ולא ישמידו את בני ויאמר חי יהוה אם יפל משערת בנך ארצה׃
2 שְׁמוּאֵל י״ד:י״ב
ותאמר האשה תדבר נא שפחתך אל אדני המלך דבר ויאמר דברי׃
2 שְׁמוּאֵל י״ד:י״ג
ותאמר האשה ולמה חשבתה כזאת על עם אלהים ומדבר המלך הדבר הזה כאשם לבלתי השיב המלך את נדחו׃
2 שְׁמוּאֵל י״ד:י״ד
כי מות נמות וכמים הנגרים ארצה אשר לא יאספו ולא ישא אלהים נפש וחשב מחשבות לבלתי ידח ממנו נדח׃

מציג 1–25 מתוך 65 פסוקים

1 2 3 הבא