פסוקים על Wife

ויאמר יהוה אלהים לא טוב היות האדם לבדו אעשה לו עזר כנגדו׃

ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת׃

על כן יעזב איש את אביו ואת אמו ודבק באשתו והיו לבשר אחד׃

אל האשה אמר הרבה ארבה עצבונך והרנך בעצב תלדי בנים ואל אישך תשוקתך והוא ימשל בך׃

וימהר אברהם האהלה אל שרה ויאמר מהרי שלש סאים קמח סלת לושי ועשי עגות׃

וירא יהוה כי שנואה לאה ויפתח את רחמה ורחל עקרה׃

ותהר לאה ותלד בן ותקרא שמו ראובן כי אמרה כי ראה יהוה בעניי כי עתה יאהבני אישי׃

ותהר עוד ותלד בן ותאמר כי שמע יהוה כי שנואה אנכי ויתן לי גם את זה ותקרא שמו שמעון׃

ותען רחל ולאה ותאמרנה לו העוד לנו חלק ונחלה בבית אבינו׃

הלוא נכריות נחשבנו לו כי מכרנו ויאכל גם אכול את כספנו׃

כי כל העשר אשר הציל אלהים מאבינו לנו הוא ולבנינו ועתה כל אשר אמר אלהים אליך עשה׃

ויאמר שכם אל חמור אביו לאמר קח לי את הילדה הזאת לאשה׃

ויעקב שמע כי טמא את דינה בתו ובניו היו את מקנהו בשדה והחרש יעקב עד באם׃

ויצא חמור אבי שכם אל יעקב לדבר אתו׃

ובני יעקב באו מן השדה כשמעם ויתעצבו האנשים ויחר להם מאד כי נבלה עשה בישראל לשכב את בת יעקב וכן לא יעשה׃

וידבר חמור אתם לאמר שכם בני חשקה נפשו בבתכם תנו נא אתה לו לאשה׃

והתחתנו אתנו בנתיכם תתנו לנו ואת בנתינו תקחו לכם׃

ואתנו תשבו והארץ תהיה לפניכם שבו וסחרוה והאחזו בה׃

ויקח יהודה אשה לער בכורו ושמה תמר׃

ותקח צפרה צר ותכרת את ערלת בנה ותגע לרגליו ותאמר כי חתן דמים אתה לי׃

וכי ימכר איש את בתו לאמה לא תצא כצאת העבדים׃

אם רעה בעיני אדניה אשר לא יעדה והפדה לעם נכרי לא ימשל למכרה בבגדו בה׃

ואם לבנו ייעדנה כמשפט הבנות יעשה לה׃

אם אחרת יקח לו שארה כסותה וענתה לא יגרע׃

ואם שלש אלה לא יעשה לה ויצאה חנם אין כסף׃