פסוקים על Abner

62 פסוקים · 6 היבטים

פסוקי מפתח

2 שְׁמוּאֵל ב׳:כ״ז
ויאמר יואב חי האלהים כי לולא דברת כי אז מהבקר נעלה העם איש מאחרי אחיו׃
2 שְׁמוּאֵל ב׳:כ״ח
ויתקע יואב בשופר ויעמדו כל העם ולא ירדפו עוד אחרי ישראל ולא יספו עוד להלחם׃
2 שְׁמוּאֵל ב׳:כ״ט
ואבנר ואנשיו הלכו בערבה כל הלילה ההוא ויעברו את הירדן וילכו כל הבתרון ויבאו מחנים׃
2 שְׁמוּאֵל ב׳:ל׳
ויואב שב מאחרי אבנר ויקבץ את כל העם ויפקדו מעבדי דוד תשעה עשר איש ועשהאל׃
2 שְׁמוּאֵל ב׳:ל״א
ועבדי דוד הכו מבנימן ובאנשי אבנר שלש מאות וששים איש מתו׃
2 שְׁמוּאֵל ב׳:ל״ב
וישאו את עשהאל ויקברהו בקבר אביו אשר בית לחם וילכו כל הלילה יואב ואנשיו ויאר להם בחברון׃
2 שְׁמוּאֵל ג׳:ו׳
ויהי בהיות המלחמה בין בית שאול ובין בית דוד ואבנר היה מתחזק בבית שאול׃
2 שְׁמוּאֵל ג׳:ז׳
ולשאול פלגש ושמה רצפה בת איה ויאמר אל אבנר מדוע באתה אל פילגש אבי׃
2 שְׁמוּאֵל ג׳:ח׳
ויחר לאבנר מאד על דברי איש בשת ויאמר הראש כלב אנכי אשר ליהודה היום אעשה חסד עם בית שאול אביך אל אחיו ואל מרעהו ולא המציתך ביד דוד ותפקד עלי עון האשה היום׃
2 שְׁמוּאֵל ג׳:ט׳
כה יעשה אלהים לאבנר וכה יסיף לו כי כאשר נשבע יהוה לדוד כי כן אעשה לו׃
2 שְׁמוּאֵל ג׳:י׳
להעביר הממלכה מבית שאול ולהקים את כסא דוד על ישראל ועל יהודה מדן ועד באר שבע׃
2 שְׁמוּאֵל ג׳:י״א
ולא יכל עוד להשיב את אבנר דבר מיראתו אתו׃
2 שְׁמוּאֵל ג׳:י״ב
וישלח אבנר מלאכים אל דוד תחתו לאמר למי ארץ לאמר כרתה בריתך אתי והנה ידי עמך להסב אליך את כל ישראל׃
2 שְׁמוּאֵל ג׳:י״ג
ויאמר טוב אני אכרת אתך ברית אך דבר אחד אנכי שאל מאתך לאמר לא תראה את פני כי אם לפני הביאך את מיכל בת שאול בבאך לראות את פני׃
2 שְׁמוּאֵל ג׳:י״ד
וישלח דוד מלאכים אל איש בשת בן שאול לאמר תנה את אשתי את מיכל אשר ארשתי לי במאה ערלות פלשתים׃
2 שְׁמוּאֵל ג׳:ט״ו
וישלח איש בשת ויקחה מעם איש מעם פלטיאל בן לוש׃
2 שְׁמוּאֵל ג׳:ט״ז
וילך אתה אישה הלוך ובכה אחריה עד בחרים ויאמר אליו אבנר לך שוב וישב׃
2 שְׁמוּאֵל ג׳:י״ז
ודבר אבנר היה עם זקני ישראל לאמר גם תמול גם שלשם הייתם מבקשים את דוד למלך עליכם׃
2 שְׁמוּאֵל ג׳:י״ח
ועתה עשו כי יהוה אמר אל דוד לאמר ביד דוד עבדי הושיע את עמי ישראל מיד פלשתים ומיד כל איביהם׃
2 שְׁמוּאֵל ג׳:י״ט
וידבר גם אבנר באזני בנימין וילך גם אבנר לדבר באזני דוד בחברון את כל אשר טוב בעיני ישראל ובעיני כל בית בנימן׃
2 שְׁמוּאֵל ג׳:כ׳
ויבא אבנר אל דוד חברון ואתו עשרים אנשים ויעש דוד לאבנר ולאנשים אשר אתו משתה׃
2 שְׁמוּאֵל ג׳:כ״א
ויאמר אבנר אל דוד אקומה ואלכה ואקבצה אל אדני המלך את כל ישראל ויכרתו אתך ברית ומלכת בכל אשר תאוה נפשך וישלח דוד את אבנר וילך בשלום׃
2 שְׁמוּאֵל ג׳:כ״ז
וישב אבנר חברון ויטהו יואב אל תוך השער לדבר אתו בשלי ויכהו שם החמש וימת בדם עשה אל אחיו׃
2 שְׁמוּאֵל ג׳:כ״ח
וישמע דוד מאחרי כן ויאמר נקי אנכי וממלכתי מעם יהוה עד עולם מדמי אבנר בן נר׃
2 שְׁמוּאֵל ג׳:כ״ט
יחלו על ראש יואב ואל כל בית אביו ואל יכרת מבית יואב זב ומצרע ומחזיק בפלך ונפל בחרב וחסר לחם׃

מציג 26–50 מתוך 62 פסוקים

הקודם 1 2 3 הבא