פסוקים על Zobah

59 פסוקים · 5 היבטים

פסוקי מפתח

1 שְׁמוּאֵל י״ד:מ״ז
ושאול לכד המלוכה על ישראל וילחם סביב בכל איביו במואב ובבני עמון ובאדום ובמלכי צובה ובפלשתים ובכל אשר יפנה ירשיע׃
2 שְׁמוּאֵל ח׳:ג׳
ויך דוד את הדדעזר בן רחב מלך צובה בלכתו להשיב ידו בנהר׃
2 שְׁמוּאֵל ח׳:ד׳
וילכד דוד ממנו אלף ושבע מאות פרשים ועשרים אלף איש רגלי ויעקר דוד את כל הרכב ויותר ממנו מאה רכב׃
2 שְׁמוּאֵל ח׳:ה׳
ותבא ארם דמשק לעזר להדדעזר מלך צובה ויך דוד בארם עשרים ושנים אלף איש׃
2 שְׁמוּאֵל ח׳:ו׳
וישם דוד נצבים בארם דמשק ותהי ארם לדוד לעבדים נושאי מנחה וישע יהוה את דוד בכל אשר הלך׃
2 שְׁמוּאֵל ח׳:ז׳
ויקח דוד את שלטי הזהב אשר היו אל עבדי הדדעזר ויביאם ירושלם׃
2 שְׁמוּאֵל ח׳:ח׳
ומבטח ומברתי ערי הדדעזר לקח המלך דוד נחשת הרבה מאד׃
2 שְׁמוּאֵל ח׳:י״ב
מארם וממואב ומבני עמון ומפלשתים ומעמלק ומשלל הדדעזר בן רחב מלך צובה׃
2 שְׁמוּאֵל י׳:ו׳
ויראו בני עמון כי נבאשו בדוד וישלחו בני עמון וישכרו את ארם בית רחוב ואת ארם צובא עשרים אלף רגלי ואת מלך מעכה אלף איש ואיש טוב שנים עשר אלף איש׃
2 שְׁמוּאֵל י׳:ז׳
וישמע דוד וישלח את יואב ואת כל הצבא הגברים׃
2 שְׁמוּאֵל י׳:ח׳
ויצאו בני עמון ויערכו מלחמה פתח השער וארם צובא ורחוב ואיש טוב ומעכה לבדם בשדה׃
2 שְׁמוּאֵל י׳:ט׳
וירא יואב כי היתה אליו פני המלחמה מפנים ומאחור ויבחר מכל בחורי בישראל ויערך לקראת ארם׃
2 שְׁמוּאֵל י׳:י׳
ואת יתר העם נתן ביד אבשי אחיו ויערך לקראת בני עמון׃
2 שְׁמוּאֵל י׳:י״א
ויאמר אם תחזק ארם ממני והיתה לי לישועה ואם בני עמון יחזקו ממך והלכתי להושיע לך׃
2 שְׁמוּאֵל י׳:י״ב
חזק ונתחזק בעד עמנו ובעד ערי אלהינו ויהוה יעשה הטוב בעיניו׃
2 שְׁמוּאֵל י׳:י״ג
ויגש יואב והעם אשר עמו למלחמה בארם וינסו מפניו׃
2 שְׁמוּאֵל י׳:י״ד
ובני עמון ראו כי נס ארם וינסו מפני אבישי ויבאו העיר וישב יואב מעל בני עמון ויבא ירושלם׃
2 שְׁמוּאֵל י׳:ט״ו
וירא ארם כי נגף לפני ישראל ויאספו יחד׃
2 שְׁמוּאֵל י׳:ט״ז
וישלח הדדעזר ויצא את ארם אשר מעבר הנהר ויבאו חילם ושובך שר צבא הדדעזר לפניהם׃
2 שְׁמוּאֵל י׳:י״ז
ויגד לדוד ויאסף את כל ישראל ויעבר את הירדן ויבא חלאמה ויערכו ארם לקראת דוד וילחמו עמו׃
2 שְׁמוּאֵל י׳:י״ח
וינס ארם מפני ישראל ויהרג דוד מארם שבע מאות רכב וארבעים אלף פרשים ואת שובך שר צבאו הכה וימת שם׃
2 שְׁמוּאֵל י׳:י״ט
ויראו כל המלכים עבדי הדדעזר כי נגפו לפני ישראל וישלמו את ישראל ויעבדום ויראו ארם להושיע עוד את בני עמון׃
1 מְלָכִים י״א:כ״ג
ויקם אלהים לו שטן את רזון בן אלידע אשר ברח מאת הדדעזר מלך צובה אדניו׃
1 מְלָכִים י״א:כ״ד
ויקבץ עליו אנשים ויהי שר גדוד בהרג דוד אתם וילכו דמשק וישבו בה וימלכו בדמשק׃
1 דִּבְרֵי הַיָּמִים י״ח:ב׳
ויך את מואב ויהיו מואב עבדים לדויד נשאי מנחה׃

מציג 1–25 מתוך 59 פסוקים

1 2 3 הבא