פסוקים על Zobah

59 פסוקים · 5 היבטים

פסוקי מפתח

סינון לפי ספר
  1. 1 דִּבְרֵי הַיָּמִים י״ח:ג׳

    ויך דויד את הדדעזר מלך צובה חמתה בלכתו להציב ידו בנהר פרת׃

  2. 1 דִּבְרֵי הַיָּמִים י״ח:ד׳

    וילכד דויד ממנו אלף רכב ושבעת אלפים פרשים ועשרים אלף איש רגלי ויעקר דויד את כל הרכב ויותר ממנו מאה רכב׃

  3. 1 דִּבְרֵי הַיָּמִים י״ח:ה׳

    ויבא ארם דרמשק לעזור להדדעזר מלך צובה ויך דויד בארם עשרים ושנים אלף איש׃

  4. 1 דִּבְרֵי הַיָּמִים י״ח:ו׳

    וישם דויד בארם דרמשק ויהי ארם לדויד עבדים נשאי מנחה ויושע יהוה לדויד בכל אשר הלך׃

  5. 1 דִּבְרֵי הַיָּמִים י״ח:ז׳

    ויקח דויד את שלטי הזהב אשר היו על עבדי הדדעזר ויביאם ירושלם׃

  6. 1 דִּבְרֵי הַיָּמִים י״ח:ח׳

    ומטבחת ומכון ערי הדדעזר לקח דויד נחשת רבה מאד בה עשה שלמה את ים הנחשת ואת העמודים ואת כלי הנחשת׃

  7. 1 דִּבְרֵי הַיָּמִים י״ח:ט׳

    וישמע תעו מלך חמת כי הכה דויד את כל חיל הדדעזר מלך צובה׃

  8. 1 דִּבְרֵי הַיָּמִים י״ט:ו׳

    ויראו בני עמון כי התבאשו עם דויד וישלח חנון ובני עמון אלף ככר כסף לשכר להם מן ארם נהרים ומן ארם מעכה ומצובה רכב ופרשים׃

  9. 1 דִּבְרֵי הַיָּמִים י״ט:ז׳

    וישכרו להם שנים ושלשים אלף רכב ואת מלך מעכה ואת עמו ויבאו ויחנו לפני מידבא ובני עמון נאספו מעריהם ויבאו למלחמה׃

  10. 1 דִּבְרֵי הַיָּמִים י״ט:ח׳

    וישמע דויד וישלח את יואב ואת כל צבא הגבורים׃

  11. 1 דִּבְרֵי הַיָּמִים י״ט:ט׳

    ויצאו בני עמון ויערכו מלחמה פתח העיר והמלכים אשר באו לבדם בשדה׃

  12. 1 דִּבְרֵי הַיָּמִים י״ט:י׳

    וירא יואב כי היתה פני המלחמה אליו פנים ואחור ויבחר מכל בחור בישראל ויערך לקראת ארם׃

  13. 1 דִּבְרֵי הַיָּמִים י״ט:י״א

    ואת יתר העם נתן ביד אבשי אחיו ויערכו לקראת בני עמון׃

  14. 1 דִּבְרֵי הַיָּמִים י״ט:י״ב

    ויאמר אם תחזק ממני ארם והיית לי לתשועה ואם בני עמון יחזקו ממך והושעתיך׃

  15. 1 דִּבְרֵי הַיָּמִים י״ט:י״ג

    חזק ונתחזקה בעד עמנו ובעד ערי אלהינו ויהוה הטוב בעיניו יעשה׃

  16. 1 דִּבְרֵי הַיָּמִים י״ט:י״ד

    ויגש יואב והעם אשר עמו לפני ארם למלחמה וינוסו מפניו׃

  17. 1 דִּבְרֵי הַיָּמִים י״ט:ט״ו

    ובני עמון ראו כי נס ארם וינוסו גם הם מפני אבשי אחיו ויבאו העירה ויבא יואב ירושלם׃

  18. 1 דִּבְרֵי הַיָּמִים י״ט:ט״ז

    וירא ארם כי נגפו לפני ישראל וישלחו מלאכים ויוציאו את ארם אשר מעבר הנהר ושופך שר צבא הדדעזר לפניהם׃

  19. 1 דִּבְרֵי הַיָּמִים י״ט:י״ז

    ויגד לדויד ויאסף את כל ישראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו׃

  20. 1 דִּבְרֵי הַיָּמִים י״ט:י״ח

    וינס ארם מלפני ישראל ויהרג דויד מארם שבעת אלפים רכב וארבעים אלף איש רגלי ואת שופך שר הצבא המית׃

  21. 1 דִּבְרֵי הַיָּמִים י״ט:י״ט

    ויראו עבדי הדדעזר כי נגפו לפני ישראל וישלימו עם דויד ויעבדהו ולא אבה ארם להושיע את בני עמון עוד׃

  22. 2 דִּבְרֵי הַיָּמִים ח׳:ג׳

    וילך שלמה חמת צובה ויחזק עליה׃

  23. תְהִלִּים ס׳:א׳

    ¶ למנצח על שושן עדות מכתם לדוד ללמד בהצותו את ארם נהרים ואת ארם צובה וישב יואב ויך את אדום בגיא מלח שנים עשר אלף אלהים זנחתנו פרצתנו אנפת תשובב לנו׃

  24. תְהִלִּים ס׳:ב׳

    הרעשתה ארץ פצמתה רפה שבריה כי מטה׃

  25. תְהִלִּים ס׳:ג׳

    הראיתה עמך קשה השקיתנו יין תרעלה׃