Joab

120 פסוקים · 3 בני משפחה

פסוקים המזכירים את Joab

2 שְׁמוּאֵל י״א:ו׳
וישלח דוד אל יואב שלח אלי את אוריה החתי וישלח יואב את אוריה אל דוד׃
2 שְׁמוּאֵל י״א:ז׳
ויבא אוריה אליו וישאל דוד לשלום יואב ולשלום העם ולשלום המלחמה׃
2 שְׁמוּאֵל י״א:י״א
ויאמר אוריה אל דוד הארון וישראל ויהודה ישבים בסכות ואדני יואב ועבדי אדני על פני השדה חנים ואני אבוא אל ביתי לאכל ולשתות ולשכב עם אשתי חיך וחי נפשך אם אעשה את הדבר הזה׃
2 שְׁמוּאֵל י״א:י״ד
ויהי בבקר ויכתב דוד ספר אל יואב וישלח ביד אוריה׃
2 שְׁמוּאֵל י״א:ט״ז
ויהי בשמור יואב אל העיר ויתן את אוריה אל המקום אשר ידע כי אנשי חיל שם׃
2 שְׁמוּאֵל י״א:י״ז
ויצאו אנשי העיר וילחמו את יואב ויפל מן העם מעבדי דוד וימת גם אוריה החתי׃
2 שְׁמוּאֵל י״א:י״ח
וישלח יואב ויגד לדוד את כל דברי המלחמה׃
2 שְׁמוּאֵל י״א:כ״ב
וילך המלאך ויבא ויגד לדוד את כל אשר שלחו יואב׃
2 שְׁמוּאֵל י״א:כ״ה
ויאמר דוד אל המלאך כה תאמר אל יואב אל ירע בעיניך את הדבר הזה כי כזה וכזה תאכל החרב החזק מלחמתך אל העיר והרסה וחזקהו׃
2 שְׁמוּאֵל י״ב:כ״ו
וילחם יואב ברבת בני עמון וילכד את עיר המלוכה׃
2 שְׁמוּאֵל י״ב:כ״ז
וישלח יואב מלאכים אל דוד ויאמר נלחמתי ברבה גם לכדתי את עיר המים׃
2 שְׁמוּאֵל י״ד:א׳
¶ וידע יואב בן צריה כי לב המלך על אבשלום׃
2 שְׁמוּאֵל י״ד:ב׳
וישלח יואב תקועה ויקח משם אשה חכמה ויאמר אליה התאבלי נא ולבשי נא בגדי אבל ואל תסוכי שמן והיית כאשה זה ימים רבים מתאבלת על מת׃
2 שְׁמוּאֵל י״ד:ג׳
ובאת אל המלך ודברת אליו כדבר הזה וישם יואב את הדברים בפיה׃
2 שְׁמוּאֵל י״ד:י״ט
ויאמר המלך היד יואב אתך בכל זאת ותען האשה ותאמר חי נפשך אדני המלך אם אש להמין ולהשמיל מכל אשר דבר אדני המלך כי עבדך יואב הוא צוני והוא שם בפי שפחתך את כל הדברים האלה׃
2 שְׁמוּאֵל י״ד:כ׳
לבעבור סבב את פני הדבר עשה עבדך יואב את הדבר הזה ואדני חכם כחכמת מלאך האלהים לדעת את כל אשר בארץ׃
2 שְׁמוּאֵל י״ד:כ״א
ויאמר המלך אל יואב הנה נא עשיתי את הדבר הזה ולך השב את הנער את אבשלום׃
2 שְׁמוּאֵל י״ד:כ״ב
ויפל יואב אל פניו ארצה וישתחו ויברך את המלך ויאמר יואב היום ידע עבדך כי מצאתי חן בעיניך אדני המלך אשר עשה המלך את דבר עבדו׃
2 שְׁמוּאֵל י״ד:כ״ג
ויקם יואב וילך גשורה ויבא את אבשלום ירושלם׃
2 שְׁמוּאֵל י״ד:כ״ט
וישלח אבשלום אל יואב לשלח אתו אל המלך ולא אבה לבוא אליו וישלח עוד שנית ולא אבה לבוא׃
2 שְׁמוּאֵל י״ד:ל׳
ויאמר אל עבדיו ראו חלקת יואב אל ידי ולו שם שערים לכו והוצתיה באש ויצתו עבדי אבשלום את החלקה באש׃
2 שְׁמוּאֵל י״ד:ל״א
ויקם יואב ויבא אל אבשלום הביתה ויאמר אליו למה הציתו עבדך את החלקה אשר לי באש׃
2 שְׁמוּאֵל י״ד:ל״ב
ויאמר אבשלום אל יואב הנה שלחתי אליך לאמר בא הנה ואשלחה אתך אל המלך לאמר למה באתי מגשור טוב לי עד אני שם ועתה אראה פני המלך ואם יש בי עון והמתני׃
2 שְׁמוּאֵל י״ד:ל״ג
ויבא יואב אל המלך ויגד לו ויקרא אל אבשלום ויבא אל המלך וישתחו לו על אפיו ארצה לפני המלך וישק המלך לאבשלום׃
2 שְׁמוּאֵל י״ז:כ״ה
ואת עמשא שם אבשלם תחת יואב על הצבא ועמשא בן איש ושמו יתרא הישראלי אשר בא אל אביגל בת נחש אחות צרויה אם יואב׃

מציג 26–50 מתוך 120 פסוקים

הקודם 1 2 3 4 5 הבא