פסוקים על The Ammonites

121 פסוקים · 46 היבטים

פסוקי מפתח

סינון לפי ספר
  1. שֹׁפְטִים י׳:ו׳

    ויספו בני ישראל לעשות הרע בעיני יהוה ויעבדו את הבעלים ואת העשתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשתים ויעזבו את יהוה ולא עבדוהו׃

  2. שֹׁפְטִים י׳:ז׳

    ויחר אף יהוה בישראל וימכרם ביד פלשתים וביד בני עמון׃

  3. שֹׁפְטִים י׳:ח׳

    וירעצו וירצצו את בני ישראל בשנה ההיא שמנה עשרה שנה את כל בני ישראל אשר בעבר הירדן בארץ האמרי אשר בגלעד׃

  4. שֹׁפְטִים י׳:ט׳

    ויעברו בני עמון את הירדן להלחם גם ביהודה ובבנימין ובבית אפרים ותצר לישראל מאד׃

  5. שֹׁפְטִים י׳:ט״ו

    ויאמרו בני ישראל אל יהוה חטאנו עשה אתה לנו ככל הטוב בעיניך אך הצילנו נא היום הזה׃

  6. שֹׁפְטִים י׳:ט״ז

    ויסירו את אלהי הנכר מקרבם ויעבדו את יהוה ותקצר נפשו בעמל ישראל׃

  7. שֹׁפְטִים י׳:י״ז

    ויצעקו בני עמון ויחנו בגלעד ויאספו בני ישראל ויחנו במצפה׃

  8. שֹׁפְטִים י׳:י״ח

    ויאמרו העם שרי גלעד איש אל רעהו מי האיש אשר יחל להלחם בבני עמון יהיה לראש לכל ישבי גלעד׃

  9. שֹׁפְטִים י״א:ד׳

    ויהי מימים וילחמו בני עמון עם ישראל׃

  10. שֹׁפְטִים י״א:ה׳

    ויהי כאשר נלחמו בני עמון עם ישראל וילכו זקני גלעד לקחת את יפתח מארץ טוב׃

  11. שֹׁפְטִים י״א:ו׳

    ויאמרו ליפתח לכה והייתה לנו לקצין ונלחמה בבני עמון׃

  12. שֹׁפְטִים י״א:ז׳

    ויאמר יפתח לזקני גלעד הלא אתם שנאתם אותי ותגרשוני מבית אבי ומדוע באתם אלי עתה כאשר צר לכם׃

  13. שֹׁפְטִים י״א:ח׳

    ויאמרו זקני גלעד אל יפתח לכן עתה שבנו אליך והלכת עמנו ונלחמת בבני עמון והיית לנו לראש לכל ישבי גלעד׃

  14. שֹׁפְטִים י״א:ט׳

    ויאמר יפתח אל זקני גלעד אם משיבים אתם אותי להלחם בבני עמון ונתן יהוה אותם לפני אנכי אהיה לכם לראש׃

  15. שֹׁפְטִים י״א:י׳

    ויאמרו זקני גלעד אל יפתח יהוה יהיה שמע בינותינו אם לא כדברך כן נעשה׃

  16. שֹׁפְטִים י״א:י״א

    וילך יפתח עם זקני גלעד וישימו העם אותו עליהם לראש ולקצין וידבר יפתח את כל דבריו לפני יהוה במצפה׃

  17. שֹׁפְטִים י״א:י״ב

    וישלח יפתח מלאכים אל מלך בני עמון לאמר מה לי ולך כי באת אלי להלחם בארצי׃

  18. שֹׁפְטִים י״א:י״ג

    ויאמר מלך בני עמון אל מלאכי יפתח כי לקח ישראל את ארצי בעלותו ממצרים מארנון ועד היבק ועד הירדן ועתה השיבה אתהן בשלום׃

  19. שֹׁפְטִים י״א:י״ד

    ויוסף עוד יפתח וישלח מלאכים אל מלך בני עמון׃

  20. שֹׁפְטִים י״א:ט״ו

    ויאמר לו כה אמר יפתח לא לקח ישראל את ארץ מואב ואת ארץ בני עמון׃

  21. שֹׁפְטִים י״א:ט״ז

    כי בעלותם ממצרים וילך ישראל במדבר עד ים סוף ויבא קדשה׃

  22. שֹׁפְטִים י״א:י״ז

    וישלח ישראל מלאכים אל מלך אדום לאמר אעברה נא בארצך ולא שמע מלך אדום וגם אל מלך מואב שלח ולא אבה וישב ישראל בקדש׃

  23. שֹׁפְטִים י״א:י״ח

    וילך במדבר ויסב את ארץ אדום ואת ארץ מואב ויבא ממזרח שמש לארץ מואב ויחנון בעבר ארנון ולא באו בגבול מואב כי ארנון גבול מואב׃

  24. שֹׁפְטִים י״א:י״ט

    וישלח ישראל מלאכים אל סיחון מלך האמרי מלך חשבון ויאמר לו ישראל נעברה נא בארצך עד מקומי׃

  25. שֹׁפְטִים י״א:כ׳

    ולא האמין סיחון את ישראל עבר בגבלו ויאסף סיחון את כל עמו ויחנו ביהצה וילחם עם ישראל׃