פסוקים על The Ammonites

121 פסוקים · 46 היבטים

פסוקי מפתח

2 שְׁמוּאֵל י׳:י״ב
חזק ונתחזק בעד עמנו ובעד ערי אלהינו ויהוה יעשה הטוב בעיניו׃
2 שְׁמוּאֵל י׳:י״ג
ויגש יואב והעם אשר עמו למלחמה בארם וינסו מפניו׃
2 שְׁמוּאֵל י׳:י״ד
ובני עמון ראו כי נס ארם וינסו מפני אבישי ויבאו העיר וישב יואב מעל בני עמון ויבא ירושלם׃
2 שְׁמוּאֵל י״ב:כ״ו
וילחם יואב ברבת בני עמון וילכד את עיר המלוכה׃
2 שְׁמוּאֵל י״ב:כ״ז
וישלח יואב מלאכים אל דוד ויאמר נלחמתי ברבה גם לכדתי את עיר המים׃
2 שְׁמוּאֵל י״ב:כ״ח
ועתה אסף את יתר העם וחנה על העיר ולכדה פן אלכד אני את העיר ונקרא שמי עליה׃
2 שְׁמוּאֵל י״ב:כ״ט
ויאסף דוד את כל העם וילך רבתה וילחם בה וילכדה׃
1 מְלָכִים י״א:א׳
¶ והמלך שלמה אהב נשים נכריות רבות ואת בת פרעה מואביות עמניות אדמית צדנית חתית׃
1 מְלָכִים י״א:ב׳
מן הגוים אשר אמר יהוה אל בני ישראל לא תבאו בהם והם לא יבאו בכם אכן יטו את לבבכם אחרי אלהיהם בהם דבק שלמה לאהבה׃
1 מְלָכִים י״א:ג׳
ויהי לו נשים שרות שבע מאות ופלגשים שלש מאות ויטו נשיו את לבו׃
1 מְלָכִים י״א:ד׳
ויהי לעת זקנת שלמה נשיו הטו את לבבו אחרי אלהים אחרים ולא היה לבבו שלם עם יהוה אלהיו כלבב דויד אביו׃
1 מְלָכִים י״א:ה׳
וילך שלמה אחרי עשתרת אלהי צדנים ואחרי מלכם שקץ עמנים׃
2 דִּבְרֵי הַיָּמִים כ׳:ה׳
ויעמד יהושפט בקהל יהודה וירושלם בבית יהוה לפני החצר החדשה׃
2 דִּבְרֵי הַיָּמִים כ׳:ו׳
ויאמר יהוה אלהי אבתינו הלא אתה הוא אלהים בשמים ואתה מושל בכל ממלכות הגוים ובידך כח וגבורה ואין עמך להתיצב׃
2 דִּבְרֵי הַיָּמִים כ׳:ז׳
הלא אתה אלהינו הורשת את ישבי הארץ הזאת מלפני עמך ישראל ותתנה לזרע אברהם אהבך לעולם׃
2 דִּבְרֵי הַיָּמִים כ׳:ח׳
וישבו בה ויבנו לך בה מקדש לשמך לאמר׃
2 דִּבְרֵי הַיָּמִים כ׳:ט׳
אם תבוא עלינו רעה חרב שפוט ודבר ורעב נעמדה לפני הבית הזה ולפניך כי שמך בבית הזה ונזעק אליך מצרתנו ותשמע ותושיע׃
2 דִּבְרֵי הַיָּמִים כ׳:י׳
ועתה הנה בני עמון ומואב והר שעיר אשר לא נתתה לישראל לבוא בהם בבאם מארץ מצרים כי סרו מעליהם ולא השמידום׃
2 דִּבְרֵי הַיָּמִים כ׳:י״א
והנה הם גמלים עלינו לבוא לגרשנו מירשתך אשר הורשתנו׃
2 דִּבְרֵי הַיָּמִים כ׳:י״ב
אלהינו הלא תשפט בם כי אין בנו כח לפני ההמון הרב הזה הבא עלינו ואנחנו לא נדע מה נעשה כי עליך עינינו׃
2 דִּבְרֵי הַיָּמִים כ׳:י״ג
וכל יהודה עמדים לפני יהוה גם טפם נשיהם ובניהם׃
2 דִּבְרֵי הַיָּמִים כ׳:י״ד
ויחזיאל בן זכריהו בן בניה בן יעיאל בן מתניה הלוי מן בני אסף היתה עליו רוח יהוה בתוך הקהל׃
2 דִּבְרֵי הַיָּמִים כ׳:ט״ו
ויאמר הקשיבו כל יהודה וישבי ירושלם והמלך יהושפט כה אמר יהוה לכם אתם אל תיראו ואל תחתו מפני ההמון הרב הזה כי לא לכם המלחמה כי לאלהים׃
2 דִּבְרֵי הַיָּמִים כ׳:ט״ז
מחר רדו עליהם הנם עלים במעלה הציץ ומצאתם אתם בסוף הנחל פני מדבר ירואל׃
2 דִּבְרֵי הַיָּמִים כ׳:י״ז
לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו מחר צאו לפניהם ויהוה עמכם׃

מציג 51–75 מתוך 121 פסוקים

הקודם 1 2 3 4 5 הבא