פסוקים על The Ammonites

121 פסוקים · 46 היבטים

פסוקי מפתח

סינון לפי ספר
  1. 2 דִּבְרֵי הַיָּמִים כ׳:י״ח

    ויקד יהושפט אפים ארצה וכל יהודה וישבי ירושלם נפלו לפני יהוה להשתחות ליהוה׃

  2. 2 דִּבְרֵי הַיָּמִים כ׳:י״ט

    ויקמו הלוים מן בני הקהתים ומן בני הקרחים להלל ליהוה אלהי ישראל בקול גדול למעלה׃

  3. 2 דִּבְרֵי הַיָּמִים כ׳:כ׳

    וישכימו בבקר ויצאו למדבר תקוע ובצאתם עמד יהושפט ויאמר שמעוני יהודה וישבי ירושלם האמינו ביהוה אלהיכם ותאמנו האמינו בנביאיו והצליחו׃

  4. 2 דִּבְרֵי הַיָּמִים כ׳:כ״א

    ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו׃

  5. 2 דִּבְרֵי הַיָּמִים כ׳:כ״ב

    ובעת החלו ברנה ותהלה נתן יהוה מארבים על בני עמון מואב והר שעיר הבאים ליהודה וינגפו׃

  6. 2 דִּבְרֵי הַיָּמִים כ׳:כ״ג

    ויעמדו בני עמון ומואב על ישבי הר שעיר להחרים ולהשמיד וככלותם ביושבי שעיר עזרו איש ברעהו למשחית׃

  7. 2 דִּבְרֵי הַיָּמִים כ׳:כ״ד

    ויהודה בא על המצפה למדבר ויפנו אל ההמון והנם פגרים נפלים ארצה ואין פליטה׃

  8. עֶזְרָא ט׳:א׳

    ¶ וככלות אלה נגשו אלי השרים לאמר לא נבדלו העם ישראל והכהנים והלוים מעמי הארצות כתועבתיהם לכנעני החתי הפרזי היבוסי העמני המאבי המצרי והאמרי׃

  9. עֶזְרָא ט׳:ב׳

    כי נשאו מבנתיהם להם ולבניהם והתערבו זרע הקדש בעמי הארצות ויד השרים והסגנים היתה במעל הזה ראשונה׃

  10. עֶזְרָא ט׳:ג׳

    וכשמעי את הדבר הזה קרעתי את בגדי ומעילי ואמרטה משער ראשי וזקני ואשבה משומם׃

  11. נחמיה י״ג:כ״ג

    גם בימים ההם ראיתי את היהודים השיבו נשים אשדודיות עמוניות מואביות׃

  12. נחמיה י״ג:כ״ד

    ובניהם חצי מדבר אשדודית ואינם מכירים לדבר יהודית וכלשון עם ועם׃

  13. נחמיה י״ג:כ״ה

    ואריב עמם ואקללם ואכה מהם אנשים ואמרטם ואשביעם באלהים אם תתנו בנתיכם לבניהם ואם תשאו מבנתיהם לבניכם ולכם׃

  14. נחמיה י״ג:כ״ו

    הלוא על אלה חטא שלמה מלך ישראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישראל גם אותו החטיאו הנשים הנכריות׃

  15. נחמיה י״ג:כ״ז

    ולכם הנשמע לעשת את כל הרעה הגדולה הזאת למעל באלהינו להשיב נשים נכריות׃

  16. נחמיה י״ג:כ״ח

    ומבני יוידע בן אלישיב הכהן הגדול חתן לסנבלט החרני ואבריחהו מעלי׃

  17. יִרְמְיָהוּ כ״ה:ט׳

    הנני שלח ולקחתי את כל משפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישביה ועל כל הגוים האלה סביב והחרמתים ושמתים לשמה ולשרקה ולחרבות עולם׃

  18. יִרְמְיָהוּ כ״ה:י׳

    והאבדתי מהם קול ששון וקול שמחה קול חתן וקול כלה קול רחים ואור נר׃

  19. יִרְמְיָהוּ כ״ה:י״א

    והיתה כל הארץ הזאת לחרבה לשמה ועבדו הגוים האלה את מלך בבל שבעים שנה׃

  20. יִרְמְיָהוּ כ״ה:י״ב

    והיה כמלאות שבעים שנה אפקד על מלך בבל ועל הגוי ההוא נאם יהוה את עונם ועל ארץ כשדים ושמתי אתו לשממות עולם׃

  21. יִרְמְיָהוּ כ״ה:י״ג

    והבאיתי על הארץ ההיא את כל דברי אשר דברתי עליה את כל הכתוב בספר הזה אשר נבא ירמיהו על כל הגוים׃

  22. יִרְמְיָהוּ כ״ה:י״ד

    כי עבדו בם גם המה גוים רבים ומלכים גדולים ושלמתי להם כפעלם וכמעשה ידיהם׃

  23. יִרְמְיָהוּ כ״ה:ט״ו

    כי כה אמר יהוה אלהי ישראל אלי קח את כוס היין החמה הזאת מידי והשקיתה אתו את כל הגוים אשר אנכי שלח אותך אליהם׃

  24. יִרְמְיָהוּ כ״ה:ט״ז

    ושתו והתגעשו והתהללו מפני החרב אשר אנכי שלח בינתם׃

  25. יִרְמְיָהוּ כ״ה:י״ז

    ואקח את הכוס מיד יהוה ואשקה את כל הגוים אשר שלחני יהוה אליהם׃